ក្រុមបាល់ទាត់យុវជនថ្នាលរបស់ក្លិបជើងឯក ៥ សម័យរបស់កម្ពុជា ភ្នំពេញក្រោន ត្រូវជួបប្រកួតជាមួយក្រុមម្ចាស់ផ្ទះ Frenz United B នៅវេលាម៉ោង ៨:១៥ នាទីយប់ (ត្រូវនឹងម៉ោង ៧:១៥ នាទីនៅកម្ពុជា) ថ្ងៃពុធ ទី ១៦ ខែ សីហា ឆ្នាំ ២០១៥ នេះក្នុងវគ្គជម្រុះពូល B នៃពានរង្វាន់ Asia Champions Trophy U-18 2015 លើទីលានកីឡដ្ឋាន HANG TUAH STADIUM ប្រទេសម៉ាឡេស៊ី។
លោកគ្រូបង្វឹក ប៊ូយ ដារី របស់ក្រុមយុវជនភ្នំពេញក្រោន និងលោក Tom Legg មន្ត្រីបច្ចេកទេសរបស់ក្លិបបានដឹកនាំកីឡាករមួយចំនួនដូចជា អ្នកចាំទី កែវ សុខសិលា និង ស្វែង សំណាង កីឡាករ ជួន ចាន់ចាវ, កីឡាករ អ៊ន ចាន់ប៉ូលីន, ពៅ ប៉ុនវឌ្ឍី, អ៊ុក សុវណ្ណ, ស្រាំង ទិត្យឈី, អ៊ិន សូដាវិត (ប្រធានក្រុម), វ៉ាត់ សំណាង, ម៉ែន ពិភព, សឿត បារាំង, ឈូន សិនទៀង, សួន នឿត, សេត រ៉ូស្សាក់, យើ ម៉ូស្លីម, Jason Thomas ខណៈកីឡាករ២រូបទៀតមាន Suleiman Samura និង Umaru ទើបជាពីរបួស។
មុនចេញដំណើរលោកគ្រូបង្វឹក ប៊ូយ ដារី ធ្លាប់បានលើកឡើងថា៖ «សម្រាប់ឆ្នាំនេះយើងត្រូវប្រកួតជាមួយក្រុមខ្លាំងៗច្រើន ហើយយើងមានមោទនភាពដែលបានចូលរួមប្រកួតក្នុងពានរង្វាន់នេះ ដើម្បីពង្រឹងទាំង បច្ចេកទេស កម្លាំង និង កល្បិចក្រុម»។
កន្លងមកក្រុមរបស់កម្ពុជាមួយនេះធ្លាប់បានប្រកួតចាញ់ក្រុម Kashima Antlers របស់ជប៉ុន ៥ ទល់ ០ កាលពីថ្ងៃទី ៥ សីហា កន្លងទៅ ហើយបានប្រកួតស្មើគ្នា ១ ទល់ ១ ជាមួយក្រុម Frenz United B លើទឹកដីកីឡដ្ឋាន RSN Stadium នៅថ្ងៃទី ១៤ ខែ សីហា និងចុងក្រោយស្មើគ្នា ជាមួយក្រុមម្ចាស់ផ្ទះPVF FA របស់វៀតណាម ២ទល់។
ក្រៅពីជួបក្រុម Frenz United B លើទឹកដីម៉ាឡេស៊ី នៅថ្ងៃទី ១៦ កញ្ញា នេះក្រុមភ្នំពេញក្រោន ត្រូវទទួលភ្ញៀវ Kashima Antlers របស់ជប៉ុននៅRSN Stadium ក្នុងរាជធានីភ្នំពេញ នៅថ្ងៃ ១៤ តុលា និងចុងក្រោយត្រូវជួបក្រុម PVF របស់វៀតណាម នៅ RSN Stadium របស់ខ្លួនដដែលនៅថ្ងៃទី ២២ ខែ តុលា ខាងមុខ។
ពានរង្វាន់ដែលផ្ដួចផ្ដើមគំនិតដោយប្រទេសម៉ាឡេស៊ី មួយនេះបានបែងចែកក្រុមទាំង ៨ ជា ២ ពូលផ្សេងគ្នា ដោយពូល A មាន Chonburi របស់ថៃ, India U-18 National Team (All India Football Federation (AIFF)) របស់ឥណ្ឌា, Frenz United A របស់ម៉ាឡេស៊ី និង Felda Unitedរបស់ម៉ាឡេស៊ី។ ចំណែកពូល B មានយុវជន U-18 ភ្នំពេញក្រោន ក្រុម Kashima Antlers របស់ជប៉ុន, PVF របស់វៀតណាម និង Frenz United B របស់ម៉ាឡេស៊ី ដោយចាប់ពីថ្ងៃទី៥ សីហា ដល់ថ្ងៃទី១៩ ខែវិច្ឆិកា ឆ្នាំ២០១៥ ប្រើប្រព័ន្ធប្រកួតក្នុងដីនិងក្រៅដី (Home/Away)។
សរុបតារាងចំណាត់ថ្នាក់បណ្ដោះអាសន្នប្រចាំពូល B មានក្រុម Kashima Antles របស់ជប៉ុនឈលេខ១ មាន ៦ ពិន្ទុ ហើយក្រុមលេខ២ Frenz United របស់ម៉ាឡេស៊ី មាន៥ ពិន្ទុ ក្រុមលេខ៣ PVF FA របស់វៀតណាមមាន ២ ពិន្ទុ និង ក្រុមភ្នំពេញក្រោន របស់កម្ពុជា មាន ២ ពិន្ទុ ក្រោយឆ្លងកាត់ ៣ ប្រកួតដូចគ្នា។
គណៈកម្មការរៀបចំការប្រកួតបានត្រៀមប្រាករង្វាន់ចំនួន ៥០០០០ ដុល្លារអាមេរិក សម្រាប់ផ្ដល់ឱ្យក្រុមដែលដណ្ដើមបានជើឯក ហើយក្រុមជើងឯករងទទួលបាន ២៥០០០ ដុល្លារអាមេរិក ក្រុមលេខ៣ ទទួលបាន ១៥០០០ ដុល្លារអាមេរិក ក្រុមលេខ៤ នឹងទទួលបាន ១០០០០ ដុល្លារអាមេរិក។ ក្រៅពីនោះកីឡាករលេងល្អ (MVP) ប្រចាំពានរង្វាន់ក៏នឹងទទូលបានប្រាក់រង្វាន់លើកទឹកចិត្ត ១៥០០ ដុល្លារអាមេរិកផងដែរ។
នេះជាលើកទី៣ ហើយដែលពានរង្វាន់ Asia Champions Trophy បង្កើតឡើង ខណៈឆ្នាំដំបូងមានឈ្មោះថា FAM-Frenz U-15 Asean Champions Trophy 2013 នៅក្នុងឆ្នាំ ២០១៣ ដោយគ្រានោះមានក្រុមចូលរួមចំនួន ១២ ហើយជើងឯកបានទៅក្រុមយុវជន Frenz Indonesiaរបស់ឥណ្ឌូណេស៊ី ក្រោយយកឈ្នះក្រុម Frenz Malaysia B នៅវគ្គផ្ដាច់ព្រ័ត្រដោយលទ្ធផល ១ ទល់ ០ ។ ចូលឆ្នាំ ២០១៤ ដែលជាឆ្នាំបន្ទាប់ពានរង្វាន់នេះមានឈ្មោះថា FAM-Asia Champions Trophy U-16 2014 ដោយមានក្រុមចូលរួមចំនួន ១២ ហើយជើងឯកបានទៅក្រុម Harimau Muda U-16 របស់ម៉ាឡេស៊ី ក្រោយយកឈ្នះក្រុម PVF Vietnam របស់វៀតណាម ដោយលទ្ធផលទាំង ២ ជើង ៥ ទល់ ៤ នៅវគ្គផ្ដាច់ព្រ័ត្រ៕
U-18 ភ្នំពេញក្រោន ជួបម្ចាស់ផ្ទះ Frenz United B របស់ម៉ាឡេស៊ី នៅថ្ងៃពុធនេះ
1 Comments
caucuci-he-Madison Mark Delgado https://marketplace.visualstudio.com/items?itemName=5fratorannu.Choose-Wisely-gratuita-2022
ReplyDeletesubtairenne