កំពូលមហាសេដ្ឋីអភិវឌ្ឍវិស័យអចលនទ្រព្យម្នាក់ មកពីម៉ាកាវ ដែលរងការចោទប្រកាន់ដោយអាជ្ញាធរសហប្រជាជាតិ ពាក់ព័ន្ធនឹងអំពើទទួលសំណូក ហើយដែលជាអតីតប្រធានមហាសន្និបាតសហប្រជាជាតិនោះ កាលពីថ្ងៃសុក្រ បានទទួលសិទ្ធិប្រកបដោយជោគជ័យ ដោយត្រូវបានឲ្យស្ថិតនៅក្រៅការឃុំខ្លួន ព្រោះតែបានបង់ប្រាក់ធានាឲ្យនៅក្រៅឃុំ៥០លានុដល្លារ ហើយរស់នៅក្នុងផ្ទះមួយដែលជាកន្លែងត្រូវឃាត់ខ្លួននោះ គឺអាប៉ាតឺម៉ង់ដ៏ប្រណីតមួយស្ថិតនៅសង្កាត់ Manhattan។
លោក Ng Lap Seng អាយុ៦៨ឆ្នាំ ស្ថិតនៅក្រោមការឃុំខ្លួនចាប់តាំងពីត្រូវឃាត់ខ្លួនកាលពីថ្ងៃទី១៩ ខែកញ្ញា គឺបន្ទាប់ពីចៅក្រមសហព័ន្ធម្នាក់ កំណត់ពីប្រភពហិរញ្ញវត្ថុរបស់គាត់។
រដ្ឋអាជ្ញាសហរដ្ឋ លោក Kevin Fox នៅ Manhattan បានឯកភាពយល់ព្រមទៅតាមសំណើរបស់មេធាវីលោក Ng ដោយអនុញ្ញាតឲ្យជនជាប់ចោទរូបនេះរស់នៅក្នុងគេហដ្ឋានមួយដែលជាកន្លែងត្រូវឃាត់ខ្លួន នោះគឺអាប៉ាតឺម៉ង់តម្លៃ៣.៦លានដុល្លារ ដោយស្ថិតនៅក្រោមការតាមឃ្លាំមើល២៤ម៉ោងលើ២៤ម៉ោង ដោយឆ្មាំសន្ដិសុខឯកជន២នាក់។
ក្នុងតម្លៃទឹកប្រាក់ធានាឲ្យស្ថិតនៅក្រៅឃុំ៥០លានដុល្លារនោះ គឺមានការបង់ប្រាក់២០លានដុល្លារ ព្រមទាំងការដាក់បញ្ចូលទាំងលំនៅដ្ឋានជាអាប៉ាតឺម៉ង់នោះថែមទៀតផង។ បើតាមលោក Fox បាននិយាយ គឺលោក Ng ត្រូវតែពាក់ខ្សែដៃ an electronic monitoring bracelet ហើយត្រូវមានកាតព្វកិច្ចចំណាយ២០០ដុល្លារក្នុងមួយម៉ោង ជាឈ្មួលសម្រាប់សន្ដិសុខទៀតផង។
រដ្ឋអាជ្ញាលោក Daniel Richenthal បាននិយាយថា រដ្ឋាភិបាលសហរដ្ឋអាមេរិក អាចប្ដឹងឧទ្ធរណ៍ក្នុងករណីរឿងក្ដីនេះបាន។ លោកបានលើកជាសំអាងថា មិនមែនទ្រព្យសម្បត្ដិរបស់ជនជាប់ចោទអាចទិញយកសេរីភាពបាននោះឡើយ។
រីឯលោក Benjamin Brafman ដែលជាមេធាវីរបស់លោក Ng វិញថា ការស្រុះស្រួលដោយដាក់ឲ្យស្ថិតនៅក្នុងការឃុំឃាំងក្នុងផ្ទះ និងមានដាក់សន្ដិសុខយាមជាប់ជាប្រចាំនោះ ធ្លាប់ត្រូវបានគេឃើញតាំងពីមុនមកហើយ ក្នុងនោះមានទាំងទណ្ឌិតឈ្មោះ Ponzi Schemer Bernard Madoff ផងដែរ។ គាត់និយាយថា មនុស្សអ្នកមានមិនគួរណាយកទៅដាក់ក្នុងមន្ទីរពន្ធនាគារទេ ព្រោះតែគេជាអ្នកមានស្រាប់៕
Reuters
មហាសេដ្ឋីម៉ាកាវ នៅក្នុងរឿងក្ដីពុករលួយនៅឯសហប្រជាជាតិ បង់ប្រាក់ធានានៅក្រៅឃុំ៥០លានដុល្លារ
0 Comments