ពោធិ៍សាត់ ៖ កាលពីថ្ងៃទី ខែតុលា ឆ្នាំ២០១៥វេលាម៉ោង១២យប់ កម្លាំងនគរបាលអធិការដ្ឋានស្រុកភ្នំក្រវាញសហការ ជាមួយកម្លាំងរដ្ឋបាលប៉ុស្តិ៍ និងប្រជាការពារភូមិចំនួន៨នាក់ បានចុះបង្ក្រាបបទល្មើសព្រៃឈើប្រភេទឈើក្រហម ដោយឃាត់គោយន្តដឹកឈើខុសច្បាប់(អាររួច)បានចំនួន២គ្រឿង ស្មើនឹង៣,៨០០ ម៉ែត្រគូប រួមនឹងចាប់បាននូវម៉ាស៊ីនត្រង់តឺន័រចំនួន២គ្រឿង នៅចំណុចទឹកល្អក់ក្នុងភូមិ ប៉ែនឃុំលាច ស្រុកភ្នំក្រវាញ ខេត្តពោធិ៍សាត់។
លោកវង សាវ៉េត អធិការនគរបាលស្រុកភ្នំក្រវាញ ឲ្យដឹងថា ចំពោះវត្ថុតាងឈើ និងគោយន្តទាំងនេះរួមជាមួយម៉ាស៊ីនត្រង់តឺន័រ២គ្រឿង កម្លាំងយើងបានប្រគល់ជូនមេព្រៃនៅស្រុកភ្នំក្រវាញ ដើម្បីរក្សាទុកនៅផ្នែករដ្ឋបាលព្រៃឈើស្រុកភ្នំក្រវាញ ហើយបង្កសំណុំរឿងទៅតុលាការ៕
នគរបាល និងប្រជាការពារចាប់ឈើ និងម៉ាស៊ីនត្រង់តឺន័រប្រគល់ជូនមេព្រៃស្រុកភ្នំក្រវាញ
0 Comments