ភ្នំពេញ ៖ គេសង្កេតឃើញនៅ សុនីតា ហាក់តែងខ្លួនបែ្លកជាងមុន ពេលនេះគេឃើញបង្ហាញដើមទ្រូងគួរឲ្យព្រឺព្រួចតែម្តង ទោះជានាងមានអត្តចរិតអៀនប្រៀនក៏ដោយ ប៉ុន្តែនាងពុំមានប្រុសស្នេហ៍ជាកូនអ្នកមានទ្រព្យតាមស្អិតទៀតទេ ក្រោយពេលផ្លាស់ទ្រនំមកបែរជាស្រាលខ្លួនព្រោះគេបានសង្ស័យថា មានស្នេហាជាមួយលោកចា ឫទ្ធី។
ពេលនេះ នៅ សុនីតា ចាប់ផ្តើមហ៊ានបញ្ចេញភាពសិចស៊ី ព្រោះដោយសារពេលនេះឃើញបេននី នាងដួង ស្រីពេជ្រ ហ៊ានសិចស៊ី សាហាវៗពេកទើបធ្វើឲ្យនៅ សុនីតា ត្រូវតែបង្ខំចិត្តដើរឲ្យទាន់គេដែរ ទើបអាចទៅរួច។ ដោយ ឡែកការបង្ហាញខ្លួនក្នុងកម្មវិធីខួបកំណើតគង់ ច័ន្ទស្រីមុំ ហើយគេឃើញនៅ សុនីតា ចាប់ផ្តើមបញ្ចេញដើមទ្រូងគួរឲ្យព្រឺព្រួចតែម្តង ដោយសម្រស់នាងមិនចាញ់ឌុច លីដាឡើយ។ ក្រុមអ្នកសិល្បៈពិសេសប្រុសៗបានចោលភ្នែកមើលនៅ សុនីតា មិនដាក់ភ្នែកទេ ហើយពួកគេបានសរសើរគ្រប់ៗគ្នា។ តែគេកត់សម្គាល់ឃើញថាមិនឃើញវត្តមានគូស្នេហ៍នៅ សុនីតា តាមស្អិតដូចមុនទេ តាំងពីមានភាពរកាំរកូសជាមួយគ្នាមក ព្រោះតែគូស្នេហ៍នាងប្រច័ណ្ឌនាងខ្លាំងពេក។
គួររំលឹកថា នៅ សុនីតា ហាក់ផ្អើលៗជាមួយបណ្តាសារព័ត៌មាន ព្រោះនាងគិតថា ដូចជាសិចស៊ីខុសធម្មតា។ តារាមិត្តភក្តិបានខ្សឹបខ្សៀវថា បើសិននៅ សុនីតា ហ៊ានលេងខ្លួនសិចស៊ីជាងនេះ ច្បាស់ជាតារាផ្សេងៗពិបាកទប់ទល់ជាមិនខាន ព្រោះតែសម្រស់នៅ សុនីតា មិនចាញ់តារាស្រីលេងខ្លួនដទៃទៀតទេ គឺគ្រាន់តែនាងមិនហ៊ានប្រថុយដោះអាវដូចនាងបេននីតែប៉ុណ្ណោះ។
គួររំលឹកឡើងវិញថា នៅ សុនីតា ស្ថិតក្នុងចំណោមតារាស្រីក្មេងដែលលេចធ្លោមាននាង ឌុច លីដា ម៉ាក សែនសូនីតា មាន សូនីតា ដួង ស្រីពេជ្រ បេននី គង់ វង្សយ៉ាទីជាដើមដែលពួកគេសុទ្ធតែស្រីស្អាត មានប្រុសៗសំបូរទ្រព្យប្រជែងស្នេហ៍នីងចង់ឲ្យពួកនាងរស់នៅលើគំនរទ្រព្យ។
ពាក់ព័ន្ធរឿងនៅ សុនីតាវិញ ធ្លាប់បែកធ្លាយរឿងស្នេហ៍ជាមួយប្រុសកូនអ្នកមានម្នាក់ដោយឮពួកគេហៅគ្នាថា អូន បងផ្អែមរលួយជាប្តីប្រពន្ធ សូម្បីតែនៅ សុនីតា ទៅដើរម៉ូដដល់ប្រទេសណាក៏ប្រុសនោះជិះយន្តហោះទៅតាមដែរ។ ប៉ុន្តែក្រោយមកស្នេហាផ្អែមដូចទឹកឃ្មុំនេះ ក៏រលត់ទៅវិញទាំងចម្រូងចម្រាស ព្រោះតែបុរសកូនអ្នកមាននោះបានប្រច័ណ្ឌនៅ សុនីតា ទៅនឹងអ្នកគ្រប់គ្រងកម្មវិធីលោកចា ឫទ្ធី ហើយសារព័ត៌មានជាច្រើនបានផ្សព្វផ្សាយថា នាងស្នីទ្ធស្នាលចម្លែកជាមួយលោក ចា ឫទ្ធីអំឡុងពេលដែលស្រីស្អាតរូបនេះនៅប៉ុស្តិ៍លេខ៥។
មានប្រភពពីអ្នកសិល្បៈខ្លះនីយាយថា នៅ សុនីតា ប្រឹងព្យាយាមបកស្រាយយ៉ាងណាក៏ប្រុសនោះមិនជឿដែរ ហើយដោយសារតែគ្មានជម្រើសធ្វើឲ្យប្រុសស្នេហ៍មានទំនុកចិត្តសាជាថ្មី ទើបនៅ សុនីតាប្រកាសផ្តាច់ចំណងស្នេហ៍ជាមួយប្រុសនោះកណ្តាលផ្លូវតែម្តង។ ប្រភពដដែលនោះថា តាំងពីដើរចេញពីប៉ុស្តិ៍លេខ៥មកនៅ សុនីតាហាក់ស្រាលខ្លួនរឿងគេសង្ស័យនាងមានស្នេហ៍លួចលាក់ជាមួយលោកចា ឫទ្ធី នោះ។
គួររំលឹកថា ពេលនេះនៅ សុនីតា កំពុងធ្វើជាពិធីការិនីកម្មវិធី”តន្ត្រីមហាគ្រួសារ” KAP របស់ប៉ុស្តិ៍ PNN នៅ សុនីតា មានប្រុសចោមរោមស្នេហ៍កាន់តែច្រើន ឯម្តាយនាងវិញថា អ្នកស្រីក៏ទទួលស្គាល់ថា ពិតជាមានគេតាមស្រឡាញ់កូនគាត់មែន តែនាងវិញពុំដែលបានទទួលការទំនុកបម្រុងពីអ្នកណាទេ បើចង់ដឹងទៅផ្ទះមើលទៅ៕
នៅ សុនីតា ដកខ្លួនថយពីសង្សារប៉ិនប្រច័ណ្ឌ
0 Comments