គ្រាប់បាលពីកីឡាករ Olivier Giroud និង Mesut Ozil បានជួយធ្វើឲ្យក្តីសង្ឃឹមរបស់ក្រុមកាំភ្លើង Arsenalរស់រានឡើងវិញ នៅការប្រកួត Champions League ជាមួយនឹងជ័យជំនះ២-០លើក្រុមយក្សអាល្លឺម៉ង់ Bayern Munich។
ក្រុមរបស់លោក Arsene Wenger បានចូលលេងការប្រកួតនៅក្នុងទឹកដី Emirates ជាមួយនឹងភាពអស់សង្ឃឹមមួយនៅក្នុងយុទ្ធនាការក្នុងពូល Fរបស់ខ្លួន ពោលគឺបន្ទាប់ពីទទួលរងបរាជ័យ២លើករួចទៅហើយពេលជួបជាមួយក្រុម Dinamo Zagreb និងក្រុម Olympiacos។
ប៉ុន្តែនៅពេលនេះ ពួកគេលេងបានយ៉ាងអស្ចារ្យបំផុត ជាមួយនឹងការវាយលុកមកលើក្រុមភ្ញៀវ Bayern Munichដូចទឹកបាក់ទំនប់ពិសេសអំឡុងការប្រកួតក្នុងតង់ទី១តែម្តង។
ទោះបីជា យ៉ាងណាក៏ដោយ ក្រុម Bayern Munich មានការគំរាមកំហែងខ្លះផងដែរ នៅតង់ទី២ ជាពេល ដែលក្រុម Arsenalលេងទប់វិញម្តងនោះ។
សូមបញ្ជាក់ថា នេះគឺជាបរាជ័យលើកដំបូងហើយរបស់ក្រុម Bayern Munichក្រោយទាត់ឈ្នះគេ១២លើកជាប់ៗគ្នា នៅការប្រកួតទាំងអស់។
អ្នកចាត់ការរបស់ក្រុម Arsenal គឺលោក Arsene Wengerបាននិយាយក្រោយការប្រកួតថានៅថ្ងៃនេះ យើងបានយកឈ្នះក្រុមជើងខ្លាំងមួយ ដូច្នេះហើយវាអាចបញ្ជាក់យ៉ាងច្បាស់ពីសន្ទុះលេងបាល់ទាត់របស់ពួកយើង៕
គ្រាប់បាល់របស់ Olivier Giroud និង Mesut Ozil ធ្វើឲ្យក្រុម Bayern Munichរងបរាជ័យយ៉ាងអាម៉ាស់
0 Comments