លោកស្រី Park Geun-hye ប្រធានាធិបតីនៃប្រទេសកូរ៉េខាងត្បូង បានលើកយកមកនិយាយដល់ប្រធានបទនាំឲ្យរំភើបក្ដុកក្ដួលនៃស្ដ្រីជួយសម្រាលទុក្ខ ដែលរងការចាប់បង្ខំឲ្យចូលទៅក្នុងផ្ទះបនពេស្យាជប៉ុន នាសម័យសង្គ្រាមនោះ អាចនឹងលើកយកមកប្រមូលផ្ដុំនិយាយ ហើយលើកជាប្រធានបទដ៏ពិសេសនៅពេលជំនួបប្រជុំទ្វេភាគីនាថ្ងៃចុងសប្ដាហ៍នេះ ហើយក៏ជាគន្លឹះដ៏សំខាន់ដើម្បីឆ្ពោះទៅចំណងស្ថិរភាពជាមួយជប៉ុន។
លោកស្រី Park និងនាយករដ្ឋមន្ដ្រីជប៉ុន លោក Shinzo Abe ត្រៀមបើកជំនួបចរចារយៈពេលពីរថ្ងៃលើកទីមួយ ចាប់តាំងពីលោកស្រីចូលមកកាន់តំណែងនោះ គឺជាកិច្ចខិតខំប្រឹងប្រែងដើម្បីធ្វើឲ្យបានប្រសើរឡើងវិញនូវចំណងទាក់ទង ដែលកន្លងមកទទួលរងភាពសោះអង្គើយមិនរាក់ទាក់ ដោយសារតែអ្វីដែលកូរ៉េខាងត្បូងមើលឃើញថា ជាបរាជ័យផ្ទួនគ្នាដោយមេដឹកនាំក្រុងតូក្យូ មិនព្រមលាងកំហុសនៃអំពើឃោរឃៅព្រៃផ្សៃ កាលពីសម័យសង្គ្រាមនោះ។
នៅក្នុងបទសម្ភាសន៍មួយត្រូវបានចុះផ្សាយនៅក្នុងកាសែត Asahi Shimbun daily កាលពីថ្ងៃសុក្រ លោកស្រី Park បាននិយាយថា ការខិតខំប្រឹងប្រែងដែលធ្វើឡើងដោយជប៉ុន ដើម្បីដោះស្រាយប្រធានបទដ៏យូរលង់ ដូចដែលហៅថា ស្ដ្រីជួយសម្រាលទុក្ខ ខណៈពេលដែលស្ដ្រីកូរ៉េ រងការចាប់បង្ខំឲ្យធ្វើជាស្រីពេស្យានោះ ត្រូវបានដឹងហើយ វាជាភាពចាំបាច់សម្រាប់ទំនាក់ទំនងមួយដែលមានស្ថិរភាព។
ខ្ញុំសង្ឃឹមថា ជំនួបប្រជុំនេះ គឺនឹងក្លាយជាភ័ព្វសំណាងមួយដើម្បីឈានដល់គោលដៅសម្រាប់ដំណោះស្រាយនៃប្រធានបទនេះ ហើយថា ក៏នឹងមិននាំឲ្យខូចដល់ផលប្រយោជន៍ដល់ភាគីណា ព្រោះតែបញ្ហានេះ។
ប្រទេសជប៉ុន បាននិយាយថា ហេតុផលសម្រាប់ការសងជួសជុលការខូចខាតសម្រាប់ស្ដ្រីទាំងឡាយនោះ ត្រូវបានរៀបចំដោយស្ថិតនៅក្រោមសន្ធិសញ្ញាឆ្នាំ១៩៦៥ តាមរយៈទំនាក់ទំនងការទូត។ បន្ថែមលើសពីនេះទៀត រដ្ឋមន្ដ្រីខុទ្ទកាល័យ Yohei Kono ក៏បានសូមអភ័យទោសតាមរយៈសេចក្ដីថ្លែងប្រកាសមួយរួចមកហើយ នៅឆ្នាំ១៩៩៣។
ឆ្នាំ១៩៩៥ ជប៉ុន បានបង្កើតជាមូលនិធិមួយដើម្បីបង់ប្រាក់ជូនដល់ក្រុមស្ដ្រីទាំងនោះដោយផ្ដល់ជាអំណោយ ជាប្រាក់ក្នុងកញ្ចប់ថវិកា ជាកិច្ចគាំទ្រដល់ការសង្គ្រោះ និងសុខុមាលភាព ព្រមទាំងការផ្ញើជាលិខិតសូមអភ័យទោសពីបណ្ដានាយករដ្ឋមន្ដ្រីជប៉ុន គ្រប់ជំនាន់។
រឿងនេះហើយ ដែលកូរ៉េខាងត្បូង និយាយថា វានៅមិនទាន់គ្រប់គ្រាន់ទេ ពីព្រោះមិនមែនជាផ្លូវការ៕
Reuters
លោកស្រី Park នៃប្រទេសកូរ៉េខាងត្បូង និយាយថា ប្រធានបទនៃក្រុមស្ដ្រីជួយសម្រាលទុក្ខ នឹងយកមកប្រមូលផ្ដុំនិយាយ នាជំនួបប្រជុំជាមួយជប៉ុន
0 Comments