បន្ទាប់ផលិតកម្ម SM Town បានប្រកាសជាសារធាណៈ ថាកញ្ញា Taeyeon ដែលជាសមាជិកក្នុងក្រុមតារាចម្រៀងស្រី Girls’ Generation នឹងចេញអាល់បុម SOLO របស់ខ្លួន កាលពីមួយខែមុនកន្លងមក រហូតមកទល់ពេលនេះ គេបានអោយដឹងថា កញ្ញា Taeyeon បានបង្ហាញរូបភាពថ្មីៗមួយចំនួន ក្នុងបណ្តាញសង្គម IG ថែមទាំងបានប្រកាសថ្ងៃអាល់បុម SOLO លើកដំបូងរបស់ខ្លួនទៀតផង។
ក្នុងរូបភាពថ្មីៗទាំងនោះ ត្រូវបានគេដឹងនិងសង្កេតឃើញថា កញ្ញា Taeyeon បានទៅថតនៅប្រទេស New Zealand ដោយកញ្ញាបានបង្ហាញនូវស្នាមញញឹម យ៉ាងស្រស់ស្អាត អមទៅដោយទេសភាពនៅជុំវិញដ៏ស្រស់បំព្រង និងហ្វូងសត្វពពែ ជៀម ឡាម៉ាជាដើម។
ដោយឡែក បើយើងងាកទៅមើលអាល់បុម SOLO លើកដំបូងរបស់កញ្ញា Taeyeon វិញ គេបានអោយដឹងថា អាល់បុមមួយនោះ មានចំណងជើងថា 《I》ដែលនឹងចេញផ្សាយនៅតាមបណ្តាញអ៊ីនធឺណែតនៅថ្ងៃទី៧ខែតុលា និងដាក់លក់នៅលើទីផ្សារនៅថ្ងៃទី ៨ខែតុលាខាងមុខនេះ។
គេបានបន្តទៀតថា កញ្ញា នឹងធ្វើការបកស្រាយបទចម្រៀងដែលមានចំណងជើងថា 《I》 នៅលើឆាកតន្ត្រី M!Countdown នៅថ្ងៃទី៨ខែតុលា, Music Bank នៅថ្ងៃទី៩ខែតុលា, និង Music Core នៅថ្ងៃទី១០ខែតុលា៕
Taeyeon បានបង្ហាញរូបភាពថ្មីៗ និងប្រកាសថ្ងៃចេញអាល់បុម SOLO របស់ខ្លួន
0 Comments