កំពង់ធំ ៖ ក្រុមគ្រួសារជនក្រីក្រមួយ បន្ទាប់ពីជួបប្រទះនឹងភាពខ្វះខាត ទាំងសម្ភារៈ និងថវិកា ក្នុងការសង់ទី ជម្រក ដោយការអាណិតអាសូរ របស់លោក ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការ សឹករងកំពង់ធំ បាននាំយកអំណោយចែកជូនគ្រួសារស្ដី ម៉េម៉ាយចាស់ជរាទីទ័លក្រ។
សកម្មភាពមនុស្សធម៌ ក៏ដូចជាការចូលរួមចំណែក ក្នុងវិស័យមនុស្សធម៌ ចំពោះគ្រួសារទីទ័លក្រ គឺត្រូវបាន យកចិត្តទុកដាក់ពីសំណាក់លោក សោម ស៊ុន ដោយមិនបណ្តោយឲ្យប្រជាពលរដ្ឋនៅក្នុងមូលដ្ឋានអត់ បាយស្លាប់នោះទេ ទោះជាមិនមានច្រើនក្តីគឺជាការចែករំលែក ដោយទឹកចិត្តសម្បុរសជន នៃកងកម្លាំងតំបន់ សឹករងកំពង់ធំ ជាក់ស្តែងផងដែរ គ្រួសារស្ត្រីមេម៉ាយចាស់ជរា សព្វថ្ងៃរស់នៅតែ ២នាក់ម្ដាយនិងកូនរស់នៅក្នុងភូមិទោលអំពិល សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ អំណោចទាំងនោះមាន អង្ករ ៥០គីឡូក្រាម មី១កេះ ទឹកត្រី១យួរ ទឺកស៊ីអ៊ីវ១យួរ ថវិកា៥ម៉ឺនរៀល ខណៈពេលដែលកំពុងតែជួបនូវការខ្វះខាត។
ជាស្ដ្រីមេម៉ាយចាស់ជរា អាយុ៧២ឆ្នាំ បានសុំសិល្ប៍នៅវត្ត ត្រពាំងព្រលឹត បម្រើលោកគ្រាន់បានបាយទឹកហូបចុកប្រចាំថ្ងៃ ពេលឈឺត្រឡប់មកផ្ទះរកបងប្អូនជិតខាង ចំណែកកូនប្រុស ឈ្មោះ សយ សំ អាយុ៣៨ឆ្នាំ មានសតិមិនសូវគ្រប់ គ្មានប្រពន្ធកូនទេសព្វថ្ងៃរស់នៅ ក្នុងខ្ទមបាក់បែក ដំបូលប្រក់មេឃ ជញ្ជាំងធ្លុះធ្លាយ ហើយ កំពុងតែដង្ហោយហៅរកមនុស្សធម៍ ដើម្បីអោយ ជួយធ្វើខ្ទមឲ្យគាត់ឡើងវិញ ព្រោះសព្វថ្ងៃកូនប្រុសគាត់បានសុំផ្ទះអ្នកជិតជ្រោកកោនបណ្ដោះអាសន្នម្ដងម្កាល់ ដែលធ្វើអោយជីវិតរបស់ពួកគាត់ស្ថិតក្នុងក្ដីអស់សង្ឃឹម។
លោកសោម ស៊ុន បានមានប្រសាសន៍ណែនាំនិងផ្ដាំផ្ញើ ឲ្យគ្រួសារលោកយាយ ថែរក្សាសុខភាព និងព្យាយាមតស៊ូជីវិតបន្តទៀត ខិតខំធ្វើបុណ្យធ្វើទាន អាជ្ញាស្រុក ខេត្ត ក៏ដូចជាកងកម្លាំងតំបន់ប្រតិបត្តិការសឹក រងកំពង់ធំ មិនទុកឲ្យលោកយាយអត់បាយនោះទេ និងអំពាវដល់សម្បុរជនបន្ថែមទៀតដើម្បីធ្វើទីជម្រកថ្មី ជូនលោកយាយ ឲ្យអ្នកទាំង២ កុំអស់សង្ឃឹម ត្រូវតស៊ូក្នុងជីវិត ព្រោះកាលណាមានជីវិត គឺតែងតែជួបការលំបាកគ្រប់ៗគ្នា ដូច្នេះត្រូវខិតខំប្រឹងប្រែងឡើង កុំឲ្យចុះចាញ់ឧបសគ្គនៅខាងមុខ ហើយ៕
ទុរគតជនមួយគ្រួសារជួបប្រទះនឹងការខ្វះខាតបានទទួលអំណោយពីលោក សោម ស៊ុន
0 Comments