បន្ទាយមានជ័យ ៖ នៅព្រឹកថ្ងៃទី១៨ ខែធ្នូ ឆ្នាំ២០១៥កម្លាំងអាវុធហត្ថស្រុកមង្គលបូរីបានសហការ ជាមួយអាជ្ញាធរស្រុកមង្គលបូរី និង សហការជាមួយនគរបាលប៉ុស្តិ៍ សហការជាមួយសហគមន៍នេសាទសំបួរ និងសង្កាត់រដ្ឋបាលជលផលមង្គលបូរី ដឹកនាំដោយលោក មិត្រ សុខសុភ័ក្រ នាយខណ្ឌរដ្ឋបាលជលផលខេត្តបន្ទាយមានជ័យ បានចុះបង្ក្រាបបទល្មើសនេសាទនៅក្នុងភូមិសាស្ត្រឃុំ សំបួរ ត្រង់ចំណុច បឹងអាភ្លោះតូចស្រុកមង្គលបូរី ខេត្តបន្ទាយមានជ័យដកហូតបានបែត្រី ១គ្រឿង សាច់ម៉ង ១៥០ម៉ែត្រ បង្គោល ៣០ដើម អ៊ុយស្បៃមុង ១ វង់ ប្រវែង ៥ម៉ែត្រលែងត្រីចំរុះ ៥គីឡូក្រាមវត្ថុតាងទាំងអស់ត្រូវយកទៅរក្សាទុកនៅសង្កាត់រដ្ឋបាលជលផលមង្គលបូរី។
លោក មិត្រសុភ័ក្រ បានឲ្យដឹងថា រដូវធ្លាក់ខ្យល់ គឺជារដូវទឹកស្រកបទល្មើសនេសាទក្នុងស្រុកមង្គលបូរីមានការកើនឡើងដូច្នេះអ្នកនេសាទត្រីរកគ្រប់ល្បិច និង គ្រប់វិធីមិនថា ខុសច្បាប់ ឬ ស្របច្បាប់នោះទេ អ្នកនេសាទត្រីហ៊ានធ្វើទាំងអស់ដើម្បីចាប់ត្រីយកទៅលក់។
លោកមិត្រ សុភ័ក្របានបញ្ជាក់ទៀតថា ស្រុកមង្គលបូរី គឺជាស្រុកនៅជាប់បឹងទន្លេសាប មានបឹង មានព្រែក មានប្រឡាយ ពិសេសមានដៃអូរចេញពីដៃបឹងទន្លេសាប ទើបមានបទល្មើសច្រើនជាងស្រុកក្រុងផ្សេងៗ ជាក់ស្តែងព្រឹកថ្ងៃទី១៨នេះ សមត្ថកិច្ចចម្រុះបានចុះធ្វើការបង្ក្រាបបទល្មើសនេសាទជាទ្រង់ទ្រាយធំ និង ចាប់បានឧបករណ៍ដាក់ត្រីជាច្រើន ចំណែកម្ចាស់រត់គេចបាត់អស់។
លោកមិត្រ សុភ័ក្រ និង ក្រុមការងារជាច្រើននាក់ បានចុះធ្វើការផ្សព្វផ្សាយដល់ប្រជាពលរដ្ឋហាមមិនឲ្យបូមទឹកចាប់ត្រីក្នុង ស្រះ ត្រពាំង បឹងបួ អូជាដើមដាច់ខាត ព្រោះវាអាច ផុតពូជត្រី គ្មានទឹកសម្រាប់ប្រើប្រាស់ព្រោះឆ្នាំនេះគ្មានទឹកប្រើប្រាស់ចាប់ពីខែមករាហើយ៕
សមត្ថកិច្ចចម្រុះចុះបង្ក្រាបបទល្មើសនេសាទរឹបអូសបានអ៊ុយស្បៃម៉ង ម៉ងបង្គោលជាច្រើនដើម
0 Comments