បន្ទាយមានជ័យ ៖ ករណីគ្រោះថ្នាក់ចរាចរណ៍មួយបានកើតឡើងរវាងម៉ូតូបើកទៅបុកនឹងម៉ូតូពេញទំហឹងបណ្ដាលឲ្យមានមនុស្សរងរបួសធ្ងន់ម្នាក់ និងស្រាលម្នាក់ នៅវេលាម៉ោង១០ព្រឹកថ្ងៃទី៣០ ខែធ្នូ ឆ្នាំ២០១៥ នៅចំណុចផ្លូវជាតិលេខ៥៦មុខវត្តតាបែន ភូមិគោករកា ឃុំតាបែន ស្រុកស្វាយចេក ខេត្តបន្ទាយមានជ័យ។
កងរាជអាវុធហត្ថមូលដ្ឋានបានប្រាប់ឲ្យដឹងថា ជនរងគ្រោះមាន ឈ្មោះ យីម យ៉ុន ភេទប្រុស អាយុ៦៧ឆ្នាំ មានទីលំនៅភូមិរោងគោ ឃុំចំណោម ស្រុកមង្គលបូរី ខេត្តបន្ទាយមានជ័យ បើកបរម៉ូតូឌ្រីមសង់១២៥ ពាក់ស្លាកលេខ 1M 8015 បន្ទាយមានជ័យ របួសចិញ្ចើមឆ្វេងស្រាលបើកបរម៉ូតូពីជើងទៅត្បូង ទី២ ឈ្មោះ ហ៊ួយ ណាវ ភេទស្រី អាយុ១៧ឆ្នាំ អ្នកបើកបរឌ្រីមសង់១២៥ ពាក់ស្លាកលេខ បន្ទាយមានជ័យ1A 6529 ពណ៌ខ្មៅ មានទីលំនៅភូមិអូរវែង ឃុំតាបែន ស្រុកស្វាយចេក ខេត្តបន្ទាយមានជ័យ ជិះម៉ូតូពីត្បូងទៅជើង លុះជិះមកដល់ចំណុចកើតហេតុមិនបានប្រុងប្រយ័ត្នក៏ជ្រុលបុកពីក្រោយពេញទំហឹងបណ្ដាលឲ្យអ្នកជិះក្រោយ ឈ្មោះ ហឹះ ប៉ាន ភេទស្រី អាយុ១៨ឆ្នាំ រងរបួសធ្ងន់ធ្លុះកំភួនជើងស្តាំ ត្រូវប្រជាពលរដ្ឋនៅទីនោះដឹកបញ្ជូនទៅព្យាបាលនៅមន្ទីរពេទ្យស្រុក ដើម្បីសង្គ្រោះជីវិត។
ចំណែកម៉ូតូខូចទាំងសងខាង ត្រូវបាននគរបាលចរាចរណ៍អូសយកទៅរក្សាទុកនៅអធិការ ដើម្បីដោះស្រាយទៅតាមផ្លូវច្បាប់ហើយ៕
ម៉ូតូបុកនឹងម៉ូតូពេញទំហឹង បណ្ដាលឲ្យរបួសធ្ងន់ម្នាក់ និងស្រាលម្នាក់
0 Comments