អាជ្ញាធរបាននិយាយកាលពីថ្ងៃសុក្រថា បុរសពីរនាក់ដែលត្រូវបានគេបដិសេធមិនឲ្យចូលក្លឹបរាត្រីមួយ នៅពេលក្រោយមកបានត្រឡប់មកវិញជាមួយនឹងអ្នកដទៃទៀត ហើយបានគប់គ្រាប់បែកភ្លើងដោយបង្កឲ្យមានអគ្គិភ័យដែលបានសម្លាប់មនុស្សទាំងអស់ចំនួន១៦នាក់ ដែលជាប់នៅខាងក្នុងក្លឹបនោះ ដោយផ្សែងនិងអណ្តាតភ្លើង។
ហេតុការណ៍ដែលគេបដិសេធថាមិនមែនជាអំពើភេរវកម្មមួយនេះបានកើតឡើងនៅក្នុងភោជនីយដ្ឋាននិងក្លឹប El Sayad ក្នុងសង្កាត់ Agouza របស់ទីក្រុង គែរ។
អ្នកនាំពាក្យក្រសួងមហាផ្ទៃលោក Abu Bakr Abdel-Karim បាននិយាយថា ប៉ូលិសកំពុងស្វែងរកជនសង្ស័យចំនួនប្រាំមួយនាក់នៅក្នុងការវាយប្រហារនេះ ដែលបានកើតឡើងបន្ទាប់ពីមនុស្សពីរនាក់ក្នុងចំណោមពួកគេមិនត្រូវបានអនុញ្ញាតឲ្យចូលក្នុងក្លឹបនេះ។
លោកបានបន្តថា ក្រោយពេលអ្នកទាំងពីរត្រូវបានគេបដិសេធមិនឲ្យចូល ពួកគេបានចេញទៅហើយបានផឹកគ្រឿងស្រវឹងនៅកន្លែងផ្សេងបន្ទាប់មកបានមកវិញជាមួយមនុស្សបួននាក់ទៀតដោយជិះម៉ូតូចំនួនបីគ្រឿង។
លោកបានបន្ថែមថា “បន្ទាប់មក ពួកគេបានគប់គ្រាប់បែកភ្លើងទៅច្រកចូលនៃកន្លែងនោះដែលបណ្តាលឲ្យមានអគ្គិភ័យ និងផ្សែងហើយបានបណ្តាលឲ្យស្លាប់មនុស្សចំនួន១៦នាក់”។
លោក Abdel-Karim បានឲ្យដឹងថា គ្មាននរណាម្នាក់នៅក្នុងក្លឹបនេះបានរួចរស់ជីវិតឡើយ។ មនុស្ស១១នាក់ ដែលបានស្លាប់គឺជាបុគ្គលិក ខណៈប្រាំនាក់ទៀតមិនត្រូវបានគេកំណត់អត្តសញ្ញាណ។ គាត់បានអះអាងថា ជនរងគ្រោះទាំងអស់បានស្លាប់ដោយសារថប់ដង្ហើម។បើទោះបីជាមិនផ្លូវការក៏ដោយ ក្លឹបរាត្រី El Sayad គឺជាភោជនីយដ្ឋានដ៏តូចមួយនៅពេលថ្ងៃហើយវាបានប្រែក្លាយទៅជាបារនៅពេលយប់។
គួរបញ្ជាក់ថា ការសេពគ្រឿងស្រវឹងគឺស្របច្បាប់នៅក្នុងប្រទេសអេហ្ស៊ីប ប៉ុន្តែភោជនីយដ្ឋាននិងក្លឹបភាគច្រើនមិនមានអាជ្ញាប័ណ្ណស្រាឡើយ៕
AP
Egyptian investigators check the scene of a nightclub attack in Cairo, Egypt, Friday, Dec. 4, 2015, which killed and wounded over a dozen people, Egypt’s state-run news agency reported. MENA quoted an unnamed security official as saying three men on a motorcycle threw Molotov cocktails into the club in the Agouza district and then fled. (AP Photo/Amr Nabil)
គប់គ្រាប់បែកភ្លើងដាក់ក្លឹបរាត្រីមួយក្នុងប្រទេសអេហ្ស៊ីបសម្លាប់មនុស្ស១៦នាក់
0 Comments