រយៈពេល ២ ឆ្នាំបន្ទាប់ពីយុទ្ធការស្វែងរកទីតាំងសម្រាប់ក្លិបថ្មីនោះ តារាបាល់ទាត់ចូលនិវត្តន៍ David Beckham និងក្រុមហ៊ុនវិនិយោគរបស់គាត់ បាននិយាយឲ្យដឹងកាលពីថ្ងៃសុក្រថា ពួកគេរកឃើញហើយទីតាំងសម្រាប់កសាងពហុកីឡដ្ឋាន នៅទីក្រុង Miami ជាកន្លែងដែលពួកគេសង្ឃឹមជឿជាក់ថា នឹងអាចបង្កើតក្លិបថ្មី Miami លេងនៅក្របខណ្ឌ Major League Soccer។
ក្រុម Miami Beckham United បានឲ្យដឹង នៅក្នុងសេចក្តីថ្លែងការណ៍ថា ផ្ទៃដី ដែលមានទំហំជាង ៣.៥ ហិចតា ស្ថិតនៅជ្រុងខាងលិចនៃផ្លូវ Interstate 95 ស្ថិតនៅក្នុងតំបន់ជិតខាង Overtown គឺជាអចលទ្រព្យឯកជនមួយ ដែលក្រុមហ៊ុនទិញបានក្នុងចំនួនទឹកប្រាក់មួយបិទជិត។
ដោយឡែកក្រុម Miami-Dade County ដែលជាម្ចាស់ដី ដែលនៅសល់ អាចនឹងព្រមព្រៀងលក់ផងដែរក្នុងតម្លៃមួយដ៏សមរម្យ។
ទោះបីជាយ៉ាងណាក៏ដោយ លោក Don Garber ន្ត្រីមកពីក្របខណ្ឌ Major League Soccer បាននិយាយ នៅក្នុងសប្តាហ៍នេះថា ក្នុងករណីដែលកិច្ចព្រមព្រៀងសម្រាប់កសាងពហុកីឡដ្ឋានមិនអាចបញ្ចប់បានទេ នោះមានន័យថា ក្លិប Miami មិនអាចក្លាយជាក្លិបនៅក្នុងក្របខណ្ឌ MLS បានទេ។
សូមបញ្ជាក់ថា ការប៉ុនប៉ងបង្កើតក្រុមបាល់ទាត់ថ្មីរបស់លោក Beckham បានជាប់គាំងអស់រយៈពេលជិត ២ ឆ្នាំមកហើយ ជុំវិញបញ្ហាកសាងពហុកីឡដ្ឋាន ដែលអាចផ្ទុកទស្សនិកជន ៣ ម៉ឺននាក់តម្លៃ ២៥០ លានដុល្លារ។
រីឯការមកដល់របស់លោក Beckham មកកាន់ទីក្រុង Miami កាលពីឆ្នាំ ២០១៣ បានធ្វើឲ្យមានចំណាប់អារម្មណ៍យ៉ាងច្រើនពីក្រុមអ្នកសារព័ត៌មាន ម្យ៉ាងដោយសារតែគាត់មានជម្រើសស្រាប់ក្នុងការបង្កើតក្លិបខ្លួនឯង ដែលជាផ្នែកមួយនៃកុងត្រាលេងរបស់គាត់ជាមួយក្លិប Los Angeles Galaxy៕
លោក David Beckham ប្រកាសរកបានទីតាំងថ្មីសម្រាប់ក្លិបផ្ទាល់ខ្លួន Miami
0 Comments