បន្ទាយមានជ័យ ៖ កម្លាំងនគរបាលក្រុងប៉ោយប៉ែតមួយក្រុមនៅយប់ថ្ងៃទី០៥ ខែធ្នូ ឆ្នាំ២០១៥បានចុះធ្វើការល្បាត នៅចំណុចស្តង់តាងួន បានប្រទះឃើញក្មេងស្ទាវចំនួន៥នាក់ កំពុងនាំគ្នាជក់ចែកចាយគ្រឿងញៀនយ៉ាងសកម្ម នគរបាលក៏បានធ្វើការឃាត់ខ្លួនរួចដកហូតបានវត្ថុតាងគ្រឿងញៀនថ្នាំម្សៅពណ៌ ស ថ្លា១កូនថង់តូច ដែកកេះចំនួន២ នៅចំណុចស្តង់តាងួន ក្នុងភូមិប៉ាលិលេយ្យ២ សង្កាត់ប៉ោយប៉ែត ក្រុងប៉ោតប៉ែត ខេត្តបន្ទាយមានជ័យ។
មន្ដ្រីនគរបាលក្រុងប៉ោយប៉ែតបានឲ្យដឹងថា ជនសង្ស័យទាំង៥នាក់នោះមានឈ្មោះទី១ សែម សុវណ្ណារី ភេទប្រុស អាយុ ២០ឆ្នាំ ទី២ឈ្មោះសេង ទីណា ភេទប្រុស អាយុ២០ឆ្នាំ ទី៣ឈ្មោះសឹង បញ្ញា ភេទប្រុស អាយុ១៩ឆ្នាំ ទី៤ឈ្មោះវណ្ណ ដា ភេទប្រុសអាយុ១៩ឆ្នាំ ទី៥ឈ្មោះជីវ ពិសិដ្ឋ ភេទប្រុស អាយុ១៨ឆ្នាំ ទាំង៥នាក់រស់នៅបណ្តោះអាសន្នក្នុងក្រុងប៉ោយប៉ែត ខេត្តបន្ទាយមានជ័យ។
នគរបាលក្រុងប៉ោយប៉ែតបានបញ្ជាក់ទៀតថា ក្រោមការបញ្ជាផ្ទាល់ពីសំណាក់លោកឧត្តមសេនីយ៍ត្រី អាត់ ខែម ស្នងការនគរបាលខេត្ដបន្ទាយមានជ័យលោកបានដាក់ផែនការឲ្យកម្លាំងនគរបាលទាំងជំនាញ និង មូលដ្ឋានបន្ដការស្រាវជ្រាវ និង ល្បាតទាំងយប់ទាំងថ្ងៃ ដើម្បីតាមចាប់មុខសញ្ញាចែកចាយ និង ប្រើប្រាស់គ្រឿងញៀនក្នុងមូលដ្ឋានយកមកផ្ដន្ទាទោសតាមច្បាប់ឲ្យទាល់តែអស់ ទើបកម្លាំងនគរបាលក្រុងប៉ោយប៉ែតមួយក្រុមចុះចាប់ខ្លួនជនសង្ស័យទាំង៥នាក់នេះបានតែម្តង។
ជនសង្ស័យទាំង៥នាក់ បានឆ្លើយសារភាពប្រហាក់ប្រហែលគ្នាថា ទាំង៥នាក់បាននាំគ្នាប្រើប្រាស់គ្រឿងញៀននេះមានរយៈពេលជាងមួយខែកន្លងមកហើយពេលទិញជក់ម្តងៗចំណាយលុយអស់៣០០បាត(លុយថៃ) ដែលខ្លួនបានមកពីធ្វើការសំណង់ដោយមានចម្លើយសារភាពនិងមានវត្ថុតាងផងនោះនគរបាលក្រុងប៉ោយប៉ែត បានកសាងសំណុំរឿងជនសង្ស័យទាំង៥នាក់បញ្ជូនទៅតុលាការដាក់ទោសតែម្តង៕
ជនសង្ស័យ៥នាក់ជក់ និង លក់គ្រឿងញៀនត្រូវបាននគរបាលក្រុងប៉ោយប៉ែតឃាត់ខ្លួននិងដកហូតថ្នាំយ៉ាម៉ាបានមួយថង់តូច
0 Comments