ភ្នំពេញ ៖ នារីម្នាក់ បានរងរបួសបាក់ជើង និងយុវជនម្នាក់ទៀតរបួសស្រាល ដោយសារតែពួកគេជិះម៉ូតូឌុបគ្នា ហើយត្រូវរថយន្តបាឡែនកំពុងបត់ឆ្លងផ្លូវបុកពេញទំហឹង កាលពីវេលាម៉ោង២២និង៥០នាទីយប់ថ្ងៃទី១១ ខែមករា ឆ្នាំ២០១៦ នៅចំណុចមុខសាលារាជធានីភ្នំពេញតាមបណ្តោយផ្លូវព្រះមុនីវង្ស កែងនឹងផ្លូវលេខ៩០ ស្ថិតក្នុងសង្កាត់វត្តភ្នំ ខណ្ឌដូនពេញ។
ប្រភពព័ត៌មានពីកន្លែងកើតហេតុបានឲ្យដឹងថា នៅវេលាកើតហេតុគេឃើញរថយន្តបាឡែន ពណ៌សពាក់ស្លាកលេខ ភ្នំពេញ 2AE-5702 បើកបរតាមបណ្តោយផ្លូវព្រះមុនីវង្សទិសដៅពីជើងទៅត្បូង ពេលមកដល់ចំណុចកើតហេតុបានបត់ឆ្វេងបំណងឆ្លងទៅផ្លូវលេខ៩០ ខណៈកំពុងបត់ ស្រាប់តែមានយុវជន និងនារីម្នាក់ជិះម៉ូតូមួយគ្រឿង ម៉ាកហុងដាឌ្រីម សេ១២៥ ពណ៌ខ្មៅ ស៊េរី២០១៥ ពាក់ស្លាកលេខ ភ្នំពេញ 1FF-3621 ជិះឌុបគ្នាក្នុងល្បឿនយ៉ាងលឿនទិសដៅបញ្ច្រាសគ្នា ក៏បុកជាមួយរថយន្តចំពីមុខពេញទំហឹង បណ្ដាលឲ្យនារី ដែលអង្គុយពីក្រោយរងរបួសបាក់ជើង ចំណែកយុវជនជាអ្នកឌុបរងរបួសស្រាល។
ប្រភពបន្តថា ភ្លាមនោះរថយន្តសាមុយ បានមកដឹកនារីរងគ្រោះទៅសង្គ្រោះនៅមន្ទីរពេទ្យ ហើយរថយន្ត និងម៉ូតូសមត្ថកិច្ចជំនាញធ្វើការវាស់វែងយកទៅរក្សាទុក នៅការិយាល័យចរាចរណ៍ជើងគោករាជធានីភ្នំពេញរង់ចាំដោះស្រាយនាពេលក្រោយ បន្តទៀត៕
រថយន្តបាឡែន ហក់ត្របាក់ម៉ូតូ១គ្រឿង របួស២នាក់
0 Comments