ភ្នំពេញ ៖ ជនសង្ស័យ២នាក់ក្នុងចំណោមបក្ខពួក៣នាក់ ពាក់ព័ន្ធបទល្មើសគ្រឿងញៀនត្រូវបានអាវុធហត្ថខណ្ឌមានជ័យឃាត់ខ្លួនកាលពីវេលាម៉ោង ២រំលងអធ្រាត្រ ឈានចូលថ្ងៃទី០៦ ខែមករាឆ្នាំ២០១៦នៅចំណុច ភូមិថ្មី សង្កាត់ស្ទឹងមានជ័យ ខណ្ឌមានជ័យហើយចាត់បញ្ជូនមកទីបញ្ជាការអាវុធហត្ថរាជធានីចាត់ការតាមនីតិវិធីបន្ត។
មន្ត្រីអាវុធហត្ថរាជធានីបានឲ្យដឹងនៅព្រឹកថ្ងៃទី៧មករាថា ជនសង្ស័យដែលកម្លាំងអាវុធហត្ថខណ្ឌមានជ័យបង្ក្រាបបានទាំង២នាក់មានឈ្មោះទី១-ឈ្មោះឡុង ឆយ ភេទប្រុស អាយុ ១៧ឆ្នាំ មុខរបរជាសិស្ស ស្នាក់នៅ ភូមិដំណាក់ធំពី សង្កាត់ស្ទឹងមានជ័យ និងទី២-ឈ្មោះយ៉េង គឹមស័រ ភេទ ប្រុស អាយុ ១៥ឆ្នាំ មុខខរបរ ជាសិស្ស ស្នាក់នៅ ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ និង៣- ឈ្មោះ អាឡេឡឺរត់គេចខ្លួនបាត់ដកហូតបាន ៖១-ម៉ូតូ ស៊ុយស៊ូគី និច ពណ៌ស ស្លាកលេខភ្នំពេញ1DG-8071
២-សោកាច់កម៉ូតូមួយ ៣-សោលេខ ប្រាំបី ០១និង៤-ដែកឆ្កិះ សោរ ០១។ ប្រភពបន្តថា នៅចំពោះមុខសមត្ថកិច្ចពួកជនសង្ស័យសារភាពតែ២ករណីប៉ុណ្ណោះ គឺលួចកាច់កម៉ូតូអ្នកដំណើរពេលចូលហូបអីឬចូលទិញអ្វីមួយនោះសម្រាប់រាជធានី។ ប៉ុន្តែធាតុពិតពួកគេជាក្រុមចោរដ៏សកម្មក្នុងការលួចកាច់កម៉ូតូជនរងគ្រោះមិនតិចអ្នកឡើយ។ ដូច្នេះអាវុធហត្ថរាជជធានីសូមអំពាវនាវដល់បងប្អូនប្រជាពលរដ្ឋដែលធ្លាប់រងគ្រោះបាត់បង់ម៉ូតូកន្លងមក សូមសហការដាក់ពាក្យបណ្តឹងដើម្បីសមត្ថកិច្ចអនុវត្តន៍នីតិវិធីបន្ត។
ជនសង្ស័យនិងវត្ថុតាង ត្រូវបានអាវុធហត្ថការិយាល័យស្រាវជ្រាវបទល្មើសព្រហ្មទណ្ឌរាជធានីកសាងសំណុំរឿង បញ្ជូនទៅតុលាការដើម្បីសួរនាំបន្ត នៅរសៀលថ្ងៃទី៧ ខែមករានេះ៕
អាវុធហត្ថបំបែកសំបុកក្រុមចោរជំនាញកាច់កម៉ូតូ និងបទល្មើសគ្រឿងញៀន
0 Comments