បន្ទាយមានជ័យ ៖ នៅព្រឹកថ្ងៃទី៦ ខែមករា ឆ្នាំ២០១៥នេះ លោកជំទាវ ម៉ៅ ម៉ាឡៃ កែ គឹមយ៉ាន លោក អ៊ុង អឿន ប្រធានក្រុមប្រឹក្សាខេត្តបន្ទាយមានជ័យ លោកឧកញ៉ា ហង្ស ស៊ីផា បានចូលរួមបើកការដ្ឋានក្រាលការ៉ូឡា និងសង់ស្តូបក្នុងប្រាសាទកសិណ។
លោក អ៊ុង អៀន បានមានប្រសាសន៍ថា ប្រាសាទកសិណរងការខូចខាត ដោយជនខិលខូចគាស់បំផ្លាញយកវត្ថុបុរាណទៅលក់ បណ្ដាលឲ្យបាក់បែក នៅសម័យសង្គ្រាមលើទីទួលប្រាសាទ និងខឿនជុំវិញ ដែលស្ថិតនៅជាប់សាលាស្រុកថ្មពួក ខេត្តបន្ទាយមានជ័យ។ ពេលនេះឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងភរិយាបានជួយឧបត្ថម្ភកសាងជាជំហានដំបូងផ្លូវជាប់មាត់ទឹកជុំវិញប្រាសាទផ្នែកខាងត្បូងប្រវែង២២០ម៉ែត្រ និងទទឹង៤ម៉ែត្រ ដែលក្រាលការ៉ូឡាកសាងបន្តស្តូបខាងក្នុងទីទួលប្រាសាទ ដែលមានបណ្តោយប្រវែង៨ម៉ែត្រ និងទទឹង៤ម៉ែត្រគ្រោងចំណាយថវិកាជិត២០.០០០ដុល្លារ។
លោកស្រី ម៉ៅ ម៉ាល័យ បានមានប្រសាសន៍ថា ការបើកការដ្ឋានក្រាលការ៉ូឡាផ្លូវមាត់ទឹកខាងត្បូងប្រាសាទកសិណនេះគឺសម្រាប់ឲ្យប្រជាពលរដ្ឋក្នុងស្រុកថ្មពួកងាយស្រួលទៅហាត់ប្រាណ ហើយសុំឲ្យជួយថែរក្សាទាំងអស់គ្នាឲ្យបានគង់វង្ស សម្រាប់កូនចៅបានទៅលេងថ្ងៃបុណ្យទានម្តងៗផងដែរ៕
លោកជំទាវ ម៉ៅ ម៉ាល័យ បានចូលរួមបើកការដ្ឋានក្រាលការ៉ូឡា និងសង់ស្តូបក្នុងប្រាសាទកសិណ ស្រុកថ្មពួក
0 Comments