កំពង់ធំ ៖ បទល្មើសនេសាទបានសម្រុកដាក់ឧបករណ៍នេសាទខុសច្បាប់ ពេញផ្ទៃទឹករាប់ពាន់ម៉ែត្រ បានដាក់ខ្វាត់ខ្វែង ពាសពេញផ្ទៃទឹក រួមមានបឹង អូ និងដៃទន្លេ រួមទាំងកណ្តាលទន្លេសាប ត្រូវបានប្រជាពលរដ្ឋដាក់របាំងសាច់អ៊ុយ របាំហស្បៃមុង និងដាក់លបរ៉ាវ ដែលបទល្មើសទាំងនេះ ត្រូវបានគេប្រទះឃើញនៅក្នុងភូមិសាស្ត្រ ឃុំពាមបាង ស្រុកស្ទោង ខេត្តកំពង់ធំ កាលពីថ្ងៃទី ៦ ខែ មករា ឆ្នាំ ២០១៦។
ប្រភពព័ត៌មានពីប្រជានេសាទម្នាក់ដែលសុំមិនឲ្យបញ្ចេញឈ្មោះ បានប្រាប់ឲ្យដឹងថា ការប្រើប្រាស់ឧបករណ៍ នេសាទត្រីដោយខុសច្បាប់នៅក្នុងឃុំពាមបាង និងឃុំផាត់សណ្តាយ ពុំត្រូវបានហាមឃាត់ដូចមុននោះទេ ដោយសារតែមុនពេលដល់រដូវ គឺមានអ្នករត់ការ គឺជាអ្នកចាំទិញត្រីហ្នឹងគេហៅថាមេក្បាលម៉ាស៊ីន គេបាន រត់ការអស់សមត្ថកិច្ច និងស្ថាប័នពាក់ព័ន្ធ គឺក្នុងមេមួយគឺមានអ្នកដាក់បទល្មើសពី ១៥ទៅ២០នាក់ ឬលើសពី ហ្នឹង សម្រាប់តែដាក់បទល្មើស នៅពេលដែលបានត្រី គឺអ្នកនេសាទ ឬអ្នកប្រព្រឹត្តបទល្មើសទាំងអស់ពុំមានសិទ្ធិលក់ឲ្យម្ចាស់ផ្សេងៗបានទេ គឺសម្រាប់តែលក់ឲ្យអ្នកម៉ូយត្រីតែប៉ុណ្ណោះ តែសម្រាប់ពាក់ព័ន្ធនិងផ្លូវច្បាប់ គឺមេរបស់គេ ដែលជាអ្នកទិញត្រីនោះ ជាអ្នកដោះស្រាយ។
ប្រភពបានបន្តថា រាល់ការចុះត្រួតពិនិត្យរបស់ថ្នាក់ដឹកនាំ គឺត្រូវបានសមត្ថកិច្ចរដ្ឋបាលជលផល ខលប្រាប់មុន មួយថ្ងៃដល់ថៅកែទិញត្រី តែ៧ទៅ៨នាក់ក្រោយមកថៅកែក៏បានខលប្រាប់សមាជិករបស់ខ្លួន ដែលកំពុងតែនេសាទខុសច្បាប់ ឲ្យពន្លិចសាច់របាំងចូលក្នុងទឹកដើម្បីកុំឲ្យមើលឃើញ ហើយក៏មានអ្នកបើបង្វៀង មិនឲ្យត្រូវចំនុចទីតាំងដាក់បទល្មើសនេសាទទៀតផង។
ក្នុងនោះប្រជាពលរដ្ឋបានសំណូមពរដល់លោកអភិបាលខេត្តកំពង់ធំ និងលោក ប៉ែន វណ្ណរិទ្ធ នាយខណ្ឌរដ្ឋបាលជលផលកំពង់ធំ មេត្តាចាត់វិធានការ ទប់ស្កាត់និងបង្ក្រាបបទល្មើស នេសាទ ដែលកំពុងតែបំផ្លាញមច្ឆាជាតិ បំផ្លាញធនធានធម្មជាតិ យ៉ាងខ្លាំងដោយពុំត្រូវបានមានស្ថាប័នណា យកចិត្តទុកដាក់បង្ក្រាបនោះទេ ដូច្នេះសូមលោក មេត្តាចូលរួមរក្សាធនធានមច្ឆាជាតិដើម្បីកុំឲ្យដាច់ពូជ និងខ្សត់ខ្សោយនៅក្នុងបឹងទន្លេសាបនេះ៕
របាំងស្បៃមុងរាប់ពាន់ម៉ែត្រក្រហមភ្លឺពេញផ្ទៃបឹងទន្លេសាប
0 Comments