ភ្នំពេញ ៖ ក្នុងមួយឆ្នាំៗ ទំនិញដែលបានឆ្លងកាត់កំពង់ផែស្វយ័តខេត្តព្រះសីហនុនៅតែបន្តមានកំណើនជាប្រចាំ ហើយជាក់ស្តែងនៅឆ្នាំ២០១៥នេះ ទំនិញឆ្លងកាត់ខេត្តព្រះហនុមានសរុបចំនួនរហូតដល់ ៣ , ៧ តោន។
អគ្គនាយកកំពង់ផែស្វយ័តខេត្តព្រះសីហនុ លោក លូ គឹមឈុន បានថ្លែងប្រាប់នៅថ្ងៃអង្គារនេះថា ទំនិញដែលបានឆ្លងកាត់កំពង់ផែស្វយ័តក្រុងព្រះសីហនុ គិតត្រឹមរយៈពេលពេញមួយឆ្នាំ២០១៥នេះ មានចំនួន ៣ ,៧តោន ហើយធៀបកាពីឆ្នាំមុនមានកំណើនប្រមាណ ៨%។
លោក លូ គឹមឈុនបានអះអាងទៀតថា ចំពោះកុងតឺន័រឆ្លងកាត់វិញមានចំនួន ៣៩០ ពាន់ ភីយូ មានកំណើន ១៧% និងនាវាចំនួន ១២៨៥គ្រឿង នាវាចរណ៍ចំនួន ៣៦គ្រឿង ដែលមានកំណើន ២២% ហើយនៅឆ្នាំនេះ ចំពោះទំនិញឆ្លងកាត់វិញគិតជាទឹកប្រាក់ប្រមាណជាង ៥០លានដុល្លារអាមេរិក។
លោកបានបញ្ជាក់ថា « ឥឡូវនេះខេត្តព្រះសីហនុកំពុងតែសាងសង់ផែថ្មីមួយដែលអាចចូលចតប៉ាល់បាតជ្រៅបាន ចំពោះទំនិញទូទៅមាន អង្ករ ពោត ដំឡូវមី និង ដើមអាកាស្យា។
ដោយឡែកគម្រោងទី១ នឹងសាងសង់រួចចុង ឆ្នាំ២០១៧ ខាងមុខ ដែលមានទឹកប្រាក់វិនិយោគសរុបជាង ៧០លានដុល្លារអាមេរិក ហើយបច្ចុប្បន្នបានដាក់ដំណើរបាន ៤០% ហើយ»។
យោងតាមកំពង់ផែស្វយ័តខេត្តព្រះសីហនុបង្ហាញថា ដោយសារតែកំណើនការលើកដាក់ទំនិញឆ្លងកាត់កំពង់ផែមានកំណើនលើស ១០%ប្រចាំឆ្នាំ ទើបខាងកំពង់ផែខេត្តព្រះសីហនុ បង្កើនផលិតភាពរបស់ខ្លួនពង្រីកផែថ្មី ក្នុងជំហានទី២ បន្តទៀត ដែលមានទឹកប្រាក់ ១៥០លានដុល្លារអាមេរិក ហើយគ្រោងបញ្ចប់គម្រោងសាងសង់ទាំងស្រុងនៅឆ្នាំ២០២៣៕
ក្នុងឆ្នាំ ២០១៥ មានទំនិញឆ្លងកាត់កំពង់ផែស្វយ័តក្រុងព្រះសីហនុមាន៣ ,៧ តោន
0 Comments