ភ្នំពេញ ៖ នេះជាលើកដំបូងហើយដែលតារាកំប្លែងស្រីល្បីឈ្មោះ នាងស្រេង សុកាន់ដាហៅខ្ញុងជួបដៃគូសម្ដែងជើងចាស់ លោកទេព រិន្ទដារ៉ូ ក្នុងរឿង«ក្រមុំ៣១កំលោះ៥២» របស់ផលិតកម្ម Rich Kids Media ដែលមានឈុតឆាកបបោសអង្អែលចាប់រំលោភធ្វើឲ្យនាងស្រៀវស្រើបញ័រប្រាណផងដែរ។
រឿង«ក្រមុំ៣១កំលោះ៥២»មានឈុតឆាកជាច្រើន ដែលគេចាប់អារម្មណ៍បន្ទាប់ពីខ្សែវីដេអូខ្លីអំពីរឿងនេះត្រូវបានផ្សព្វផ្សាយលើបណ្ដាញទំនាក់ទំនងសង្គមហ្វេសប៊ុក ពិសេសគឺឈុតឆាករំលោភរបស់តួឯកប្រុស លោក ទេព រិន្ទដារ៉ូ ទៅលើនាងខ្ញុងជាតួឯកស្រីយ៉ាងស្រើបស្រាល។ លោក ទេព រិន្ទដារ៉ូ និយាយថា ក្នុងខ្សែភាពយន្តខាងលើលោកសម្ដែងជាតួអង្គកំលោះចាស់ឈ្មោះ ដារ៉ូ ហើយលោកពិតជាសប្បាយចិត្ត ដែលបានសម្ដែងក្នុងតំណែងតួឯកជាមួយនឹងតារាជំនាន់ក្រោយជាច្រើនពិសេសគឺនាងខ្ញុង។
តារាសម្ដែងជើងចាស់រូបនេះបន្តថា នាងខ្ញុង បានធ្វើឲ្យលោកសើចរហូតតាំងពីពេលចាប់ផ្តើមថតលើកដំបូងរហូតដល់ពេលចប់ការងារសម្ដែងហើយ អ្វីដែលលោកចាំមិនភ្លេច គឺឈុតឆាកមួយដែលតម្រូវឲ្យមានតែតួពីរនាក់ក្នុងបន្ទប់ដោយនាងខ្ញុងធ្វើសរសៃឲ្យលោក ហើយដោយសារតែពាក្យសម្តីឌឺដង និងឌៀលរបស់នាង ខ្ញុង ថា លោកជា «ប្រុសខ្ទើយៗ» នោះបានធ្វើឲ្យលោកខឹងហើយចាប់នាង ខ្ញុង រំលោភនាងរហូតប្រតាយ ប្រតប់ធ្លាក់ដែកគោលទៅលើឥដ្ឋដោយ សារតែមានគេមកទាន់ លោកក៏រុញនាង ចេញ ប៉ុន្តែរៀបនឹងដួលធ្លាក់លើដែកគោលលោកក៏បានជួយនាង ខ្ញុង ពីគ្រោះថ្នាក់ដោយធាក់រហូតខ្ទប់នឹងជញ្ជាំង។
ទេព រិន្ទដារ៉ូលើកឡើងថា ឈុតហ្នឹង គឺជាឈុតឆាក ដែលធ្វើឲ្យលោកអស់សំណើច និងចាំមិនភ្លេចនៅក្នុងអារម្មណ៍ហើយក្រៅពីឈុតឆាកទាំងនេះ ក៏មានឈុតឆាកពិសេសៗជាច្រើន ដែលភាគច្រើនជាឈុតឆាកបែបកំប្លែងសម្ដែងជាមួយតារាកំប្លែងអ្នកនាងខ្ញុង។ លោករំពឹងដែរថា ខ្សែភាពយន្តខ្នាតធំរឿង«ក្រមុំ៣១កំលោះ៥២» ដែលជាស្នាដៃសម្រិតសម្រាំងដ៏ប៉ិនប្រសប់មានច្រើនរសជាតិនេះនឹងទទួលបានការគាំទ្រច្រើនពីទស្សនិកជនជាក់ជាមិនខានបន្ទាប់ពីចាក់បញ្ចាំងជាផ្លូវការនៅថ្ងៃទី២៨ ខែមករា ឆ្នាំ២០១៦ខាងមុខនេះ៕
ទេព រិន្ទដារ៉ូ ធ្វើឲ្យខ្ញុងព្រឺរោម ក្នុងឈុតមួយ នៃរឿង«ក្រមុំ៣១កំលោះ៥២»
0 Comments