ភ្នំពេញ ៖ ប្រភពច្បាស់ការណ៍និយាយថា លោក សាពូន នីទីតា ដែលត្រូវបានគេស្គាល់ថា ជាបងប្រុសបង្កើតរបស់តារាចម្រៀង សាពពូន មីដាដា បានទទួលមរណភាព ហើយកាលពីល្ងាចថ្ងៃទី១៣ ខែមករា ឆ្នាំ២០១៦កន្លងទៅនេះ ខណៈកំពុងបើករថយន្តសុខៗ ស្រាប់តែត្រដរខ្យល់ផុតដង្ហើមមួយរំពេចតែម្តង និងបានបង្កនូវភាពភ្ញាក់ផ្អើល សម្រាប់មហាជនដែលកំពុងធ្វើដំណើរផងដែរ។
ប្រភពដដែលបញ្ជាក់ថា បងប្រុសបង្កើតរបស់ សាពូន មីដាដា ឈ្មោះ សាពូន នីទីតា មានវ័យ៤៤ឆ្នាំបានស្លាប់ ដោយសារតែជំងឺគាំងបេះដូង ក្នុងពេលដែលលោកកំពុងធ្វើដំណើរ ដោយរថយន្តផ្ទាល់ខ្លួននៅម្តុំស្តុបពេទ្យចិនជាមួយមិត្តភក្ដិ។ ការស្លាប់របស់លោកមានសភាពលឿនមិននឹកស្មានដល់ហើយនៅពេលនេះដែរ សព ត្រូវបានក្រុមគ្រួសារតម្កល់ធ្វើបុណ្យនៅវត្តកោះ និងធ្វើពិធីបូជានៅវេលាម៉ោង៥និង៣០នាទីថ្ងៃសុក្រនេះ។
ចំពោះដំណឹងដ៏អកុសលខាងលើនេះដែរ«កម្ពុជាថ្មី»មិនអាចទាក់ទង ដើម្បីសុំសួរនាំតារាចម្រៀង សាពូន មីដាដា បានទេ នៅពីថ្ងៃទី១៤ ខែមករានេះ ពីព្រោះលេខទូរស័ព្ទរបស់លោកត្រូវបានបិទ៕
បងប្រុសតារាចម្រៀង សាពូន មីដាដា បានស្លាប់ក្នុងពេលកំពុងបើករថយន្ត
0 Comments