ជ្រូកចិញ្ចឹម ចាប់តាំងពីឆ្នាំ ១៩៧៩ មកនោះ បានបន្ដឆ្លងទៅមនុស្ស ហើយអាចទៅជាការគំរាមកំហែងក្នុងរូបភាពជាជំងឺរាតត្បាតដ៏ខ្លាំងបំផុត ក្នុងចំណោមជំងឺផ្ដាសាយ ដែលតែងតែកើតមានចំពោះសត្វចិញ្ចឹម។ នេះជាការលើកយកមកនិយាយ ដោយក្រុមអ្នកស្រាវជ្រាវចិន កាលពីថ្ងៃចន្ទ កន្លងទៅ។
សត្វជ្រូក ត្រូវបានចាត់ទុកថា ជាប្រភពចម្លងដ៏ចម្បងចំពោះគ្រប់ប្រភេទវីរុសផ្ដាសាយ។ លោក Chen Hualan នាយកនៃមន្ទីរពិសោធន៍ National Avian Influenza Reference Laboratory របស់ប្រទេស ដែលដឹកនាំការស្រាវជ្រាវនោះបានប្រាប់ដូច្នេះ នៅក្នុងបទសម្ភាសន៍មួយ ដែលសរសេរជាលាយលក្ខណ៍អក្សរ ជាមួយនឹងទីភ្នាក់ងារព័ត៌មាន Xinhua។
លោកបានលើកឡើងថា ដោយផ្អែកទៅលើការវិភាគជាលក្ខណៈវិទ្យាសាស្ដ្រ និងការប្រៀបធៀបទូលំទូលាយជាមូលដ្ឋាន នៃគ្រប់ប្រភេទវីរុសផ្ដាសាយ កើតមានចំពោះសត្វចិញ្ចឹមនោះមាន H1N1, H3N2, H5N1, H7N9 និង EA H1N1 យើងខ្ញុំបានរកឃើញថា វីរុស EA H1N1 មានលក្ខណៈដូចគ្នាបំផុតទៅនឹងមូលហេតុ ដែលបណ្ដាលឲ្យមានករណីរាតត្បាតដោយជំងឺផ្ដាសាយមនុស្សជាបន្ទាប់ទៀត។ យើងគួរតែភ្ជាប់សារៈសំខាន់នៃជំងឺផ្ដាសាយនោះចំពោះវីរុស EA H1N1។
ប្រភេទវីរុស ដែលមានតំណពូជរបស់វានៃប្រភេទវីរុស H1N1 គឺជាប្រភេទរួម ដែលគេហៅថា SIVs ដែលជាប្រភេទវីរុសបុរាណ (ក្លាស៊ីក) H1N1 SIVs និងវីរុស EA H1N1 SIVs វាធ្លាប់កើតមាន និងបន្ដឆ្លងចំពោះសត្វជ្រូកនោះ តាំងពីឆ្នាំ ១៩១៨ និងឆ្នាំ ១៩៧៩ ជាបន្ដបន្ទាប់ទៅហើយ។ ប្រភេទវីរុសបុរាណ H1N1 SIVs បានលេចចេញមក ហើយបន្ដចម្លងមកមនុស្ស ដោយប្រៀបដូចជាលេចមកជាថ្មី ហើយបានបណ្ដាលឲ្យក្លាយទៅជាជំងឺផ្ដាសាយរាតត្បាត H1N1 flu តែម្ដងនៅឆ្នាំ ២០០៩។
វីរុស EA H1N1 SIVs ត្រូវបានគេរកឃើញកើតមានចំពោះសត្វជ្រូក នៅក្នុងប្រទេសជាច្រើន ទាំងនៅអឺរ៉ុប និងអាស៊ី ហើយក៏បានបណ្ដាលឲ្យមនុស្សកើតជំងឺនេះ ទាំងនៅក្នុងប្រទេសមួយចំនួន ក្នុងទ្វីបអឺរ៉ុប និងនៅក្នុងប្រទេសចិន។
ការរកឃើញអំពីប្រភពដើមរបស់វីរុស H1N1 នោះហើយក៏ត្រូវបានយកទៅធ្វើការចុះផ្សាយ នៅក្នុងព្រឹត្ដិបត្រ Journal Proceedings of the National Academy of Science របស់សហរដ្ឋអាមេរិកនោះ៕
Xinhua
ជំងឺផ្ដាសាយសត្វស្លាប ផ្ដាសាយជ្រូក ដែលបង្កដោយវីរុស H1N1 ទាំងនៅអឺរ៉ុប និងនៅអាស៊ី ដែលធ្លាប់កើតមានឡើងចំពោះសត្វ
0 Comments