ភ្នំពេញ ៖ ជាការពិតណាស់នេះ គឺជាការបំពេញតួនាទី ធ្វើជាគំរូល្អសម្រាប់យុវជនជំនាន់ក្រោយៗក្នុងការបង្កើនឱកាស នៃការតបស្នងសងគុណ ចំពោះលោកគ្រូអ្នកគ្រូ ដែលធ្លាប់បានបង្ហាត់បង្រៀនផ្តល់ចំណេះដឹង និងដំបូលមានល្អៗ ចំពោះយុវជនដែលជាទំពាំងស្នងឫស្សីបន្ទាប់ឪពុកម្តាយ។
យ៉ាងណាមិញពេលនេះ មានអតីតសិស្សវិទ្យាល័យទួលទំពូងមួយក្រុម ដែលបានបង្ហាញឆន្ទៈដំបូងគេក្នុងការបង្កើតPageមួយឡើង ដែលមានឈ្មោះថា Tuol Tum Poung High School Alumni ឡើងក្នុងគោលបំណងសំខាន់៣យ៉ាង នៃគោលការណ៍គ្រឹះជុំវិញការជំរុញទឹកចិត្ត និងបង្កើតឱកាសសម្រាប់ការជួបជុំគ្នាអតីតមិត្តភក្កិ ដែលជាសិល្បៈរួមជំនាន់។ ពិសេសគឺការសងគុណ ពីសំណាក់លោកគ្រូនិងអ្នកគ្រូ។
ចំពោះគោលបំណងសំខាន់ៗ ដែលជុំរុញឲ្យក្រុមអតីតសិល្បៈ វិទ្យាល័យទួលទំពូងបង្កើត Pageឈ្មោះ Tuol Tum Poung High School Alumni នេះឡើងគឺទី១- ដើម្បីចងក្រងអតីតសិស្សគ្រប់ជំនាន់ បង្កើតឱកាសអោយពួកគាត់បានជួបជុំគ្នាឡើងវិញ។ ២-តបស្នងសងគុណដល់អតីតគ ណនាយក និងលោកគ្រូអ្នកគ្រូ និងទី៣ Page នេះគឺជាទីកន្លែងដែលអតីតសិស្សបង្ហាញពីទឹកចិត្តដល់សាលានិងលោកគ្រូអ្នកគ្រូ។
អតីតក្រុមសិស្សវិទ្យាល័យទួលទំពូងខាងលើ បាននិយាយថា ភាពជោគជ័យរបស់យើង គឺពួកយើងបានធ្វើឲ្យលោកគ្រូ អ្នកគ្រូ សប្បាយចិត្តនៅពេលដែលពួកគាត់បានអានComment របស់អតីតសិស្សរបស់គាត់ ដែលសម្ដែងពីការស្តាយក្រោយ ការដឹងគុណ ការអរគុណដល់អតីតលោកគ្រូ អ្នកគ្រូរបស់ពួកគេ។ មិនតែប៉ុណ្ណោះ ពួកគាត់អាចយក Page នេះជាកន្លែងស្វែងរកអតីតមិត្តរបស់គាត់ផងដែល។
ក្នុងឆ្នាំ២០១៤ ខែមិថុនា មានការជួបជុំអតីតសិស្សបាក់ឌុបឆ្នាំ១៩៩៦ ពួកគាត់ក៏សម្រេចចិត្តបង្កើតកូនមូលនិធិ១ ដែលមានឈ្មោះថា“មូលនិធិអតីតសិស្សបាក់ឌុបឆ្នាំ១៩៩៦” ដើម្បីជួយដល់អតីតលោកគ្រូ អ្នកគ្រូដែលចូលនិវត្តន៍, សង្គម, និង មិត្តរួមជំនាន់ផងដែរ។ មូលនិធិនេះចាប់ផ្តើមតាំងពីខែសីហា រហូតដល់បច្ចុប្បន្ន ហើយក្រុមអតីតសិស្សបាក់ឌុបជំនាន់១៩៩៦ និងបន្តធ្វើរហូតដល់អស់ថវិកាក្នុងមូលនិធិនេះ។
អតីតក្រុមសិស្ស ដែលបានបង្កើតPage នេះបានបញ្ជាក់ថា បើសិនជាលោកអ្នកជាអតីតសិស្សវិទ្យាល័យទួលទំពូងហើយចង់ចូលទៅកាន់ Page ដើម្បីមើលរូប និងសរសេរComment មកកាន់អនុស្សាវរីយរបស់វិទ្យាល័យ សូមចូលទៅកាន់: www.facebook.com/TTPHS ឬ Find on Facebook: Tuol Tum Poung High School Alumni។ ជាចុងក្រោយតាងនាមយើងខ្ញុំ ជាអតីតសិស្សវិទ្យាល័យ យើងសង្ឃឹមថា សិស្សជំនាន់ផ្សេងៗទៀត នឹងមានការរួបរួមគ្នាជាជំនាន់ និងធ្វើអ្វីមួយទៅដល់អតីតលោកគ្រូ អ្នកគ្រូ សង្គម និងមនុស្សធម៌យើងរីករាយ និងធ្វើការជាមួយសិស្សគ្រប់ជំនាន់ផងដែរ៕
អតីតសិស្សវិទ្យាល័យទួលទំពូង រួមគ្នាបង្កើយPageផ្ដល់ឱកាសជួបជុំ និងសងគុណគ្រូបង្រៀន
0 Comments