ខ្សែបម្រើ Willian របស់ក្លិបតោខៀវ Chelsea បាននាំមុខគេនៅរង្វាន់កិត្តិយសកីឡាករឆ្នើមទាំង ១០ AP Global Football 10 ជាលើកដំបូងកាលពីថ្ងៃអង្គារ។
កីឡាករស្ថិតនៅក្នុងក្រុមជម្រើសជាតិប្រេស៊ីលរូបនេះ បានក្លាយជាកីឡាករដ៏គួរឲ្យចាប់អារម្មណ៍ជាងគេនៅក្នុងក្រុម Chelsea បើទោះជាក្រុមលេងមិនសូវបានល្អ នៅក្នុងរដូវកាលនេះក៏ដោយ ហើយលោករកបានគ្រាប់បាល់យ៉ាងអស្ចារ្យពីចម្ងាយ ២៥ ម៉ែត្រ អំឡុងជ័យជម្នះដ៏កម្រមួយ ៣-០ លើក្រុម Crystal Palace កាលពីសប្តាហ៍មុន។
ដោយឡែក កីឡាករ Dele Alli ឈរនៅលេខ ២ ក្រោយពេលរកបានគ្រាប់បាល់ដ៏គួរឲ្យចាប់អារម្មណ៍របស់គាត់ អំឡុងពេលក្រុមមាន់ខ្នាយមាស Spurs ទាត់ស្មើ ១-១ ជាមួយក្រុម Everton។
លោក Aurelio Capaldi មកពីសមាគមបាល់ទាត់ RAI Sport ដែលមានមូលដ្ឋាន នៅក្នុងប្រទេសអ៊ីតាលី បានឲ្យដឹងថា កីឡាករ Dele Alli បានបង្ហាញយ៉ាងច្បាស់ថា គាត់គឺជាកីឡាករដ៏អស្ចារ្យម្នាក់ ហើយជាកីឡាករដ៏គួរឲ្យចាប់អារម្មណ៍ម្នាក់ អំឡុងការប្រកួត នៅក្នុងទឹកដី Goodison Park ។ គាត់ជាអ្នករកគ្រាប់បាល់ដ៏អស្ចារ្យម្នាក់ ពេលជួបជាមួយក្រុម Everton។
ចំណែកឯកីឡាករ Sergio Aguero បានឈរនៅលេខរៀងទី ៣ ក្រោយពីគាត់រកបានគ្រាប់បាល់ឈ្នះឲ្យក្រុម Man City ២-១ លើក្រុម Watford។ រីឯកីឡាករ Wayne Rooney ជាប់នូវលេខ ៤ ក្រោយពេលបញ្ចប់ប្រវត្តិទាត់មិន ដែលឈ្នះគេ ៨ ប្រកួតរបស់ក្រុម Man Utd ជាមួយនឹងការរកគ្រាប់បាល់ដោយកែងជើងរបស់គាត់ អំឡុងជ័យជម្នះ ២-១ របស់ក្រុមគាត់លើក្រុម Swansea។
កីឡាករ Mesut Ozil ដណ្តើមបានចំណាត់ថ្នាក់លេខ ៥ សម្រាប់ឥទ្ធិពលរបស់លោកអំឡុងការប្រកួតនាដំណាច់ឆ្នាំ ជាមួយក្រុម Arsenal។
ខណៈនោះដែរ កីឡាករ Gareth Bale, Keko, Yaya Toure, Petr Cech និងកីឡាករ Islam Slimani គឺជាប់ ចាប់ពីលេខរៀងទី ៦ រហូតដល់ទី ១០ នៅលើតារាង AP Global Football 10 ផងដែរ៕
កីឡាករ Willian ឈ្នះរង្វាន់កិត្តិយកីឡាករឆ្នើម AP Global Football 10
0 Comments