ភ្នំពេញ ៖ កម្លាំងអាវុធហត្ថរាជធានីភ្នំពេញ បានកសាងសំណុំរឿងបញ្ជូនខ្លួនជនសង្ស័យ២នាក់ ទៅតុលាការដើម្បីផ្ដន្ទាទោសតាមច្បាប់នៅថ្ងៃទី៣០ ខែឧសភា ក្រោយពីកម្លាំងអាវុធហត្ថខណ្ឌព្រែកព្នៅ ធ្វើការឃាត់ខ្លួនពួកគេពាក់ព័ន្ធករណីគ្រឿងញៀន នៅថ្ងៃទី២៩ ខែឧសភា ឆ្នាំ២០១៨ វេលាម៉ោង៥ល្ងាច នៅចំណុច ផ្លូវបេតុងមុខបុរីកម្ពុ ភូមិផ្សារលិច សង្កាត់ព្រែព្នៅ ខណ្ឌព្រែកព្នៅ រាជធានីភ្នំពេញរួចមក។
មន្ត្រីអាវុធហត្ថរាជធានីបានឲ្យដឹងនៅថ្ងៃទី៣០ ឧសភាថា ពួកជនសង្ស័យទាំង ០២នាក់ដែលកម្លាំងមូលដ្ឋានឃាត់ខ្លួនមានឈ្មោះ ទី១- ឈ្មោះ ចន វាសនា ហៅសូ ភេទប្រុស អាយុ ៣១ឆ្នាំនិង២- ឈ្មោះម៉ាប់ តៃម៉ូ ភេទប្រុស អាយុ ១៩ឆ្នាំ។
ប្រភពបន្តថា បច្ចុប្បន្ន ពួកគេទាំង ០២នាក់ ខាងលើត្រូវបានសមត្ថកិច្ចជំនាញនៃការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសំណុំរឿងបញ្ជូនទៅតុលាការ ដើម្បីចាត់ការតាមច្បាប់នៅថ្ងៃនេះ៕
Source: Kampuchea Thmey Daily
0 Comments