សៀមរាប ៖ កាលពីវេលាម៉ោង១៤និង០០នាទី ថ្ងៃទី២៩ ខែឧសភា ឆ្នាំ២០១៨ លោកឧត្តមសេនីយ៍ត្រី ភឹង សម្បត្តិ ស្នងការរង ទទួលការិយាល័យនគរបាលបង្ការ ពន្លត់អគ្គិភ័យ និងសង្គ្រោះនៃស្នងការដ្ឋាននគរបាលខេត្តសៀមរាប បានបើកកិច្ចប្រជុំផ្សព្វផ្សាយណែនាំពាក់ព័ន្ធបញ្ហាអគ្គិភ័យ និងមានការចែកសៀវភៅ ច្បាប់ស្ដីពីការបង្ការ និងការពន្លត់អគ្គិភ័យ ជូនអធិការក្រុង/ស្រុក និងធ្វើការបែងចែកកម្លាំងជំនាញចុះតាមបណ្តាអធិការក្រុង/ស្រុកទាំង១២ នៅពេលខាងមុខនេះ។
សមាសភាពចូលរួមមាន វរសេនីយ៍ត្រី សេន សុវណ្ណនី ប្រធានការិយាល័យនគរបាលបង្ការ ពន្លត់អគ្គិភ័យ និងសង្គ្រោះ,លោកអធិការនគរបាលក្រុង/ស្រុកទាំង១២ និងប៉ុស្តិ៍នគរបាលរដ្ឋបាលទាំង១២ នៅក្នុងក្រុងសៀមរាប នាយរងការិយាល័យ នាយផ្នែក នាយរងផ្នែក និងមន្ត្រីការិយាល័យនគរបាលបង្ការ ពន្លត់អគ្គិភ័យ និងសង្គ្រោះ។
ខ្លឹមសារអង្គប្រជុំរួមមាន របាយការណ៍សរុបស្តីពីអគ្គិភ័យឆាបឆេះនៅក្នុងខេត្តសៀមរាប។ សេចក្តីណែនាំស្តីពីការចេញលិខិត ឫប័ណ្ណត្រួតពិនិត្យអំពីគុណភាពប្រសិទ្ធភាពលើឧបករណ៍ សម្ភារៈបរិក្ខារ បង្ការពន្លត់អគ្គិភ័យ និងការបញ្ជាក់ទទួលស្គាល់លើប្រព័ន្ធសុវត្ថិភាពបង្ការពន្លត់អគ្គិភ័យតាមគោលដៅ។ ការបែងចែកកម្លាំងជំនាញ ចុះតាមបណ្តាអធិការក្រុង/ស្រុក និងមតិចូលរួមរបស់អធិការក្រុង/ស្រុកទាំង១២៕
Source: Kampuchea Thmey Daily
0 Comments