បាត់ដំបង៖ នារីវ័យក្មេងម្នាក់ ត្រូវបានខ្ទេចខ្ទាំអស់ព្រហ្មចារី រហូតក្លាយជាដំបៅថែមទៀតផង បន្ទាប់ពីត្រូវឪពុកមាបង្កើតរបស់ខ្លួនចាប់រំលោភចំនួន ២ ដង ក្នុងរយៈពេលមួយយប់ ខណៈដែលឪពុកមាស្រវឹង និងគាប់ជួនម្តាយឪពុករបស់ក្មេងស្រីចេញទៅធ្វើការនៅឯខេត្តឆ្ងាយ។
យោងតាមរបាយការណ៍របស់សមត្ថកិច្ចបានបញ្ជាក់ថា នៅថ្ងៃទី២៩ ខែឧសភា ឆ្នាំ២០១៨ វេលាម៉ោង ៦ និង ២០ នាទីល្ងាច មានប្រជាពលរដ្ឋបានទូរស័ព្ទមកប្តឹងពាក់ព័ន្ធនឹងករណីរំលោភសេពសន្ថវៈ ទៅលើក្មេងស្រីដែលជាអនីតិជនអាយុក្រោម ១៥ ឆ្នាំ នៅចំណុច ឃុំវត្តតាមឹម ស្រុកសង្កែ ខេត្តបាត់ដំបង។ក្រោយពីទទួលបានព័ត៌មាននេះភ្លាម សមត្ថកិច្ចជំនាញបានសុំគោលការណ៍ និងការអនុញ្ញាតពីថ្នាក់ដឹកនាំ និងលោកព្រះរាជអាជ្ញា នួន សាន ដោយបានចុះទៅឃាត់ខ្លួននាថ្ងៃទី៣០ ខែឆ្នាំដដែល វេលាម៉ោង ១០ និង ៣០ នាទីព្រឹក ដែលជនសង្ស័យមានឈ្មោះ ឈៀង រស់ ភេទប្រុស អាយុ២១ឆ្នាំ រស់នៅត្រង់ចំណុចកើតហេតុខាងលើ ដែលត្រូវបានប្រភពចោទប្រកាន់ថា បានរំលោភទៅលើក្មេងស្រីឈ្មោះ ឈ ឆ អាយុ១១ឆ្នាំ រស់នៅក្នុងផ្ទះជាមួយគ្នា (ត្រូវជាឪពុកមា និងក្មួយបង្កើត )។
លោកវរសេនីយ៍ត្រី វេ គឹមចត់ អធិការរងនគរបាលស្រុកសង្កែ ទទួលផែនយុត្តិធម៌បានអោយដឹងថា ថ្មីៗនេះឪម្តាយរបស់ក្មេងស្រីបានចេញទៅធ្វើការនៅឯខេត្តព្រះវិហារ ដោយបានផ្ញើរកូនស្រីអោយនៅជាមួយនឹងឪពុកមាក្នុងការជួយមើលខុសត្រូវ តែទីបំផុតក៏ជួយបញ្ហាបែបនេះទៅវិញ។
នៅចំពោះមុខសមត្ថកិច្ចជនសង្ស័យបានសារភាពថា កន្លងមកខ្លួនមិនដែលមានគំនិតបែបនេះនោះទេ ប៉ុន្តែនៅយប់កើតហេតុខ្លួនបានផឹកស៊ីស្រវឹងហើយក៏បានជ្រុលជ្រួស ប៉ុន្តែទាំងពីរលើក គឺរួមភេទមិនចូលនោះទេ ទើបប្រើដៃជួយដោយសារខ្លួនស្រវឹងពេក មានន័យថា ទាំងពីរលើកគឺមិនបានស៊ីជម្រៅឡើយ។
ប៉ុន្តែសម្រាប់ចម្លើយរបស់ក្មេងស្រីរងគ្រោះបាននិយាយថា ទាំងពីរលើកគឺគាត់ដាក់ចូលជានិច្ច ដោយខ្លួនមានការឈឺចាប់យ៉ាងខ្លាំង ព្រោះគាត់មិនត្រឹមតែរួមភេទប៉ុណ្ណោះទេ ថែមទាំងប្រើម្រាមដៃរុកបញ្ចូលទៅក្នុងប្រដាប់ភេទរបស់នាងទៀត បើទោះបីជានាងខំប្រឹងស្រែកក៏ស្រែកមិនរួចដែរ ដោយសារតែគាត់ខ្ទប់មាត់នាងជាប់។
ក្រោយពីសមត្ថកិច្ចនាំក្មេងស្រីទៅធ្វើកោសល្យវិច័យ គឺប្រដាប់ភេទរបស់នាងបានក្លាយជាដំបៅ និងមានខ្ទុះផងដែរ ដែលធ្វើអោយនាងដើរកន្ធែកជើង ទើបត្រូវបានប្រជាពលរដ្ឋដែលនៅក្បែរខាងឃើញ ហើយក៏បានសួរនាំ និងឈានដល់ការប្តឹងទៅសមត្ថកិច្ចតែម្តង។ បច្ចុប្បន្នកម្លាំងជំនាញនៃអធិការដ្ឋាននគរបាលស្រុកសង្កែ បាននិងកំពុងកសាងសំណុំរឿងដើម្បីបញ្ជូនខ្លួនជនសង្ស័យទៅសាលាដំបូងហើយ៕
Source: Kampuchea Thmey Daily
0 Comments