Ad Code

មុខសញ្ញា​ជួញដូរ​ដោយ​ខុសច្បាប់​នូវ​សារធាតុ​ញៀន​ម្នាក់ ត្រូវបាន​នគរបាល ស្រុក​គងពិសី​បង្ក្រាប



កំពង់ស្ពឺ ៖ មុខសញ្ញា​ជួញដូរ និង​ប្រើប្រាស់​គ្រឿងញៀន​ម្នាក់ ត្រូវ​បាន​កម្លាំង​សមត្ថកិច្ច​នគរបាល​ស្រុក​គងពិសី ឃាត់ខ្លួន​នៅ​ថ្ងៃទី​២៩ ខែឧសភា ឆ្នាំ​២០១៨​នេះ នៅ​ចំណុច ភូមិ​បាក់ក ឃុំ​ព្រៃ​ញាតិ ស្រុក​គងពិសី នគរបាល​ស្រុក​គងពិសី ដកហូត​បាន​នូវ​វត្ថុតាង​មួយចំនួន​។

មុខសញ្ញា​ជួញដូរ​គ្រឿងញៀន​ដោយ​ខុសច្បាប់​នូវ​សារធាតុ​ញៀន​ម្នាក់​មានឈ្មោះ ឌឹ​ម បុរី ភេទប្រុស អាយុ៣៦​ឆ្នាំ នៅ​ភូ​មិញ សង្កាត់​កណ្ដោលដុំ ក្រុង​ច្បារមន ខេត្តកំពង់ស្ពឺ​។

តាម​មុខសញ្ញា​ខាងលើ បាន​សារភាព​ថា ខ្លួន​បាន​ទិញ​ថ្នាំ​ពី​អ្នកដទៃ​ហើយ​យក​ទៅ​ចែកចាយ​បន្ដ និង​ទុក​ប្រើប្រាស់​ផ្ទាល់ខ្លួន​ខ្លះ​ ហើយ​ការ​រកស៊ី​នេះ​មាន​រយៈពេល​ជាច្រើន​ខែ​មក​ហើយ​ដែរ​។

សមត្ថកិច្ច​ប្រាប់​ថា វត្ថុ​តាង​ដែល​ដកហូត​បាន​រួម​មាន គ្រឿងញៀន ប្រភេទ​ម៉ា​ទឹកកក ១១​កញ្ចប់ (១០​តូច និង ១​មធ្យម​) , ជញ្ជីង​ថ្លឹង​គ្រឿងញៀន ១ , ម៉ូតូ ១ , ទូរស័ព្ទដៃ ១ រួម​នឹង​ឧបករណ៍​ប្រើប្រាស់​គ្រឿងញៀន​មួយចំនួន។

បច្ចុប្បន្ន ករណីនេះ​សមត្ថកិច្ច​ជំនាញ​កំពុង​សាកសួរ និង​កសាង​សំណុំរឿង ចាត់ការ​តាម​នីតិ​វិធី​ច្បាប់​៕

Source: Kampuchea Thmey Daily

Post a Comment

0 Comments

Close Menu