អ៊ឹម ជីវ៉ា ចេញមុខវែកញែករឿងសង្ឃឆាន់ស្រីកក្រើកពេញបណ្តាញសង្គម

ភ្នំពេញ ៖ តារាសម្តែងប្រុស ដែលលេចធ្លោលើសកម្មភាពមនុស្សធម៌លោក អ៊ឹម ជីវ៉ា ដោយសារអត់ទ្រាំពុំបានលើករណីបែកធ្លាយសង្ឃឆាន់ស្រី ហើយទីបំផុតត្រូវ បានក្រសួងធម្មការ និងសាសនាចាប់ផ្សឹកនោះ ពេលនេះបានចេញមុខរិះគន់យ៉ាងចាស់ដៃលើភាគីលោកសង្ឃរូបនោះ និងនារីវ័យក្មេង ដែលឲ្យដៃលោករហូតបែកធ្លាយរឿងបែបនេះ.

បើតាមសំណេររបស់លោក អ៊ឹ ជីវ៉ា បានលើកឡើងថា ម្តាយគាត់និយាយពេលLiveថា មានគេចូលដណ្តឹងកូនគាត់ដប់ម្ភៃនាក់គាត់មិនអោយផង ឯកូននិយាយវិញថា ខ្ញុំបង្ហោះវីដេអូនិងរូបភាព ដោយសារលោកសង្ឃនេះទៅចោលខ្ញុំមួយខែហើយតេ(ហៅទូរស័ព្ទ)ក៏មិនលើកពេលផ្សឹកលោក ហើយខ្ញុំប្តឹងលោកពីបទចាប់រំលោភតាមមើលការLiveខាងលើ គឺដោយសារនាងខឹងលោកដោះដៃចោលនាងបាននាងធ្វើអញ្ចឹង។

តារាសម្តែងលោក អ៊ឹម ជីវ៉ា និយាយថា ឱក្មួយដ៏ស្រស់ស្អាតអើយពាក្យចាស់លោកពោលថា ត្រឡនៗអើយកុំស្រលាញ់លោក កំលោះកគោកទុកលោកធ្វើបុណ្យ តែក្មួយ..កាលថតវីដេអូដូចសប្បាយណាស់ ហើយម្តេចបានចង់ប្តឹងលោកទៅវិញក្មួយ?។ លោកសង្ឃបរាជិកក៏អញ្ចឹងដែរ ធ្វើបួសដល់ចៅអធិការវត្តហើយ ម្តេចមិនចាំពាក្យចាស់និយាយថា អ្នកក្លាហានឆ្លងមិនផុតដំណាក់ស្រីស្អាតទេ បើស៊ីគេហើយម្តេចមិនអោយលុយគេ ?។

លោកអ៊ឹម ជីវ៉ា បានបន្ថែមទៀតថា បើសរុបមកទាំងអ្នកប្រព្រឹត្តនិងអ្នកដឹកនាំអោយគេប្រព្រឹត្តមានទោសដូចគ្នា ព្រោះនាងម្នាក់នេះ ក៏ចូលរួមបំផ្លាញពុទ្ធសាសនាដែរ ព្រោះអ្នកបួសនៅវត្តរឿងអីនាងអោយដៃលោកដល់វត្ត? សុំសរសើរក្មួយធ្វើស៊ីលោកសាហាវណាស់ លោកក៏អញ្ចឹងដែរបើដឹងថាខ្លួនជាសង្ឃហើយនៅ ប្រព្រឹត្តបែបនេះទៀត សមណាស់នឹងទទួលបែបនេះ។

សូមបញ្ជាក់ថា ប៉ុន្មានថ្ងៃនេះនៅលើបណ្តាញសង្គមហ្វេសប៊ុកមានការចែករំលែកយ៉ាងព្រោងព្រាតលើករណីព្រះសង្ឃមួយអង្គ បានបញ្ចេញរូបភាពដេកជាមួយនារីម្នាក់ និងអង្គុយធ្វើជាមេខ្លាឃ្លោក។ចំពោះករណីនេះធ្វើឲ្យមហាជនផ្ទុះការរិះគន់យ៉ាងចាស់ដៃលើសង្ឃអង្គរនោះ។ មិនតែប៉ុណ្ណោះបន្ទាប់ពីផ្ទុះការរិះគន់ និងចែករំលែកនៅលើបណ្តាញសង្គមទីបំផុតថ្នាក់ដឹកនាំសង្ឃ និងមន្ដ្រីធម្មការខេត្តបន្ទាយមានជ័យ បានសម្រេចចាប់ផ្សឹកព្រះចៅអធិការវត្តភ្នំបាក់លើខេត្តបន្ទាយមានជ័យរូបនេះហើយ នាព្រឹកថ្ងៃទី០៥ ខែមិថុនា ឆ្នាំ២០១៨នេះ៕