ភ្នំពេញ ៖ រដ្ឋមន្ត្រីក្រសួងយុត្តិធម៌ បានធ្វើអធិបញ្ជាឲ្យតំណាង អយ្យការអមសាលាដំបូងរាជធានីភ្នំពេញចាត់ការតាមផ្លូវច្បាប់ចំពោះលោកសម រង្ស៊ីដែលប្រមាថ ព្រះមហាក្សត្រ រឿងព្រះរាជសារក្លែងក្លាយ។ នេះបើតាមអ្នកនាំពាក្យក្រសួងយុត្តិធម៌។
លោក គឹម សន្តិភាព អ្នកនាំពាក្យក្រសួងយុត្តិធម៌បានឲ្យដឹងថា នៅពេលនេះ លោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ បាន ធ្វើអធិបញ្ជាឱ្យតំណាងអយ្យការអម សាលាដំបូង រាជធានីភ្នំពេញ ចាត់ការតាមច្បាប់ចំពោះករណីនេះហើយ។
តាមអះអាងរបស់របស់អ្នកនាំពាក្យតាមបណ្តាញសង្គមថា ការធ្វើអធិបញ្ជារបស់លោករដ្ឋមន្ត្រីក្រសួងយុត្តិធម៌ដើម្បីការពារព្រះចេស្តាអង្គព្រះមហាក្សត្រ ស្របតាមស្មារតីរដ្ឋធម្មនុញ្ញ និងច្បាប់កម្ពុជា។
លោករដ្ឋមន្ត្រីក្រសួងយុត្តិធម៌ បានធ្វើអធិបញ្ជាឱ្យអយ្យការអម សាលាដំបូងរាជធានីភ្នំពេញ ចាត់វិធានតាមច្បាប់ចំពោះទង្វើទណ្ឌិត សម រង្ស៊ី ប្រមាថចំពោះអង្គព្រះមហាក្សត្រ តាំងពីថ្ងៃសុក្រសប្តាហ៍មុន។
សូមជម្រាបវិធានការរបស់ លោករដ្ឋមន្ត្រីក្រសួងយុត្តិធម៌ នាពេលនេះ បាន ធ្វើឡើងស្របពេលដែល មានការងើបទាមទារឱ្យតុលាការកម្ពុជា ចាត់វិធានការឱ្យបានម៉ឺងម៉ាត់ តាមច្បាប់ ចំពោះទណ្ឌិត សម រង្ស៊ី មេចលនាសង្គ្រោះជាតិ ដែលបានប្រមាថថា ព្រះរាជសារព្រះមហាក្សត្រ ជាទីសក្ការៈ ចុះថ្ងៃទី១៨ ខែឧសភា ឆ្នាំ២០១៨ ដែលអំពាវនាវ ឱ្យប្រជាពលរដ្ឋទៅបោះឆ្នោត នាចុងខែកក្កដាខាងមុខនោះ គឺជាព្រះរាជ សារក្លែងក្លាយ និងគ្មានតម្លៃ ទោះបីជាព្រះបរមរាជវាំងចេញមុខប្រកាសថា ព្រះរាជសារនោះ ជាព្រះរាជសារពិតប្រាកដ មិនក្លែង ក្លាយក៏ដោយ។
យ៉ាងណាក្តីអ្នកនយោបាយវ័យក្មេងបានស្នើដល់អ្នកនយោបាយទាំងអស់សុំកុំស្ថាប័ន ព្រះមហាក្សត្រមកធ្វើការលាយឡំ នឹងឆាកនយោបាយ។
លោកពេជ្រ ស្រស់បានបញ្ជាក់ថា « ដើម្បីលើកតម្កើងនូវព្រះមហាក្ស ត្រខ្មែរយើង ខ្ញុំសូមស្នើសុំដល់អ្នកនយោបាយទាំងអស់ មេត្តាកុំយក ព្រះអង្គ មក លាយឡំ នៅក្នុង ឆាកនយោបាយអី គឺយើងត្រូវ តែតម្កល់ព្រះអង្គជាព្រះរាជតំណាងប្រទេសកម្ពុជា នៃយើងទាំង អស់គ្នា។ ក្នុងន័យនេះ សូមបងប្អូនជនរួមជាតិខ្មែរគ្រប់និន្នាការទាំងអស់ រួមគ្នាថែរក្សារាជបល្ល័ង្ក អង្គព្រះមហាក្សត្ររបស់យើងទាំងអស់គ្នាជានិច្ចនិរន្តរ»។
យ៉ាងណាក្តីលោកសម រង្ស៊ីអតីតប្រធានគណបក្សសង្គ្រោះជាតិបានសរសេរ លើ បណ្តាញ សង្គមហ្វេសប៊ុក មិនបានទទួលស្គាល់ថា លោកបានប្រមាថព្រះមហាក្សត្រនោះទេ ដោយ លោកបាន ដាក់កំហុសទៅលើសម្តេច តេជោ ហ៊ុន សែនថា ជាអ្នកប្រមាថ ព្រះមហាក្សត្រ ទៅ វិញ។
លោកបានសរសេរលើកបណ្តាញសង្គមបញ្ជាក់យ៉ាងដូច្នេះថា «គ្មាននរណាមើលងាយ ព្រះ មហាក្សត្រ ជាងជនផ្តាច់ការ សម្តេចហ៊ុន សែន ទេ ដែលជេរប្រមាថ និងគំរាម កំហែងព្រះមហាក្សត្រ តាំងពីយូរឆ្នាំមកហើយ ព្រមទាំងយកព្រះមហាក្សត្រ ប្រើជាខែល ដើម្បី បន្ត អំណាចផ្តាច់ការរបស់គាត់។ ដោយដឹងថា របបគាត់មិនមានការគាំទ្រពីប្រជារាស្ត្រ ហើយក៏ មិនមានភា ពស្របច្បាប់តែមួយគត់ ដែលមានតម្លៃពិតប្រាកដ គឺការគាំទ្រពីប្រជារាស្ត្រនេះតែម្តង គាត់ក៏យកព្រះមហាក្សត្រ ដែលស្ថិតក្នុងកណ្តាប់ដៃគាត់ ទៅប្រើដើម្បីបានភាព ស្រប ច្បាប់ក្លែងក្លាយមួយ ឲ្យទៅរបបផ្តាច់ការរបស់គាត់»។
លោកបន្តថា ចុងក្រោយនេះសម្តេចហ៊ុន សែន បានឲ្យបក្ខពួកគាត់រៀបចំ « ច្បាប់ប្រមាថព្រះមហាក្សត្រ » គ្រាន់តែដើម្បីយកមកធ្វើជាលេស ក្នុងគោលបំណងបង្ក្រាបប្រជារាស្ត្រ ដែល ទាមទារលទ្ធិប្រជាធិបតេយ្យ សេរីភាព និងយុត្តិធម៌៕
Source: Kampuchea Thmey Daily
0 Comments