ប្រធានាធិបតីរបស់វេណេហ្ស៊ុយអេឡា លោក នីកូឡាស់ ម៉ាឌូរ៉ូ (Nicolas Maduro) បាននិយាយនៅថ្ងៃអាទិត្យថា លោកនឹងធ្វើទស្សនកិច្ចប្រទេសចិន និងបណ្ដាប្រទេសរបស់អង្គការ OPEC ដែលមិនបានបញ្ជាក់ច្បាស់ជាច្រើននៅក្នុងអំឡុងពេលដំណើរការទស្សនកិច្ចរយៈពេលមួយសប្ដាហ៍ ក្នុងគោលបំណងដើម្បីធ្វើឲ្យល្អឡើងវិញនូវហិរញ្ញវត្ថុរបស់ប្រទេសអាហ្វ្រិកខាងត្បូង ដែលបានចុះខ្សោយដោយសារតម្លៃប្រេងឆៅ ដែលកំពុងទម្លាក់ចុះ។
លោក ម៉ា ឌូរ៉ូ បាននិយាយនៅក្នុងអំឡុងពេលផ្សាយតាមទូរទស្សន៍មួយថា «ខ្ញុំនឹងចេញដំណើរថ្ងៃនេះដើម្បីបំពេញទស្សនកិច្ចដ៏សំខាន់មួយដើម្បីប្រកាន់យកគម្រោងថ្មី ដោយសារតែចំណូលដែលកំពុងធ្លាក់ចុះដែលប្រទេសរបស់ជួបប្រទះ»។
ការឈប់សំចតលើកទីមួយរបស់លោកគឺនៅប្រទេសចិន ដែលបានក្លាយទៅជាហិរញ្ញាធិការីដ៏សំខាន់របស់ប្រទេសវេណេហ្ស៊ុយអេឡាតាមរយៈ កិច្ចព្រមព្រៀងជាថ្នូរនឹងប្រាក់កម្ចី ដែលនៅក្នុងនោះប្រទេសវេណេហ្ស៊ុយអេឡា បានទទួលប្រាក់សុទ្ធមុនជាថ្នូរទៅនឹងការផ្គត់ផ្គង់ប្រេងឆៅ និងប្រេងឥន្ធនៈ។
លោក ម៉ា ឌូរ៉ូនិយាយថា «ខ្ញុំក៏នឹងធ្វើទស្សនកិច្ចទៅកាន់បណ្ដាប្រទេសអង្គការ OPEC ដែរដើម្បីបន្តកិច្ចប្រឹងប្រែងកំរិតខ្ពស់ ដើម្បីបង្កើតយុទ្ធសាស្ត្រមួយ ដើម្បីធ្វើឲ្យតម្លៃប្រេងរើបឡើងវិញ៕
រឹទ្ធ
0 Comments