ព្រៃវែង ៖ បុរសវ័យ៦៣ឆ្នាំម្នាក់ បានរងរបួសយ៉ាងធ្ងន់ធ្ងរ ក្រោយពេលជួបហេតុការណ៍គ្រោះថ្នាក់ចរាចរណ៍រវាងម៉ូតូបុកជាមួយកង់ក្នុងទិសដៅស្របគ្នា។
ហេតុការណ៍ខាងលើបានកើតឡើង កាលពីថ្ងៃទី២៣ ខែកក្កដា ឆ្នាំ២០១៨ វេលាម៉ោង១៧និង២០នាទី នៅលើផ្លូវក្រាលកៅស៊ូ ស្ថិតក្នុងភូមិព្រាលទីពីរ ឃុំថ្មពូន ស្រុកកញ្ជ្រៀច ខេត្តព្រៃវែង។
សមត្ថកិច្ចនគរបាលស្រុកកញ្ជ្រៀចបានឲ្យដឹងថា គ្រោះថ្នាក់ចរាចរណ៍ខាងលើបង្កឡើងដោយម៉ូតូមួយគ្រឿងម៉ាកហុងដាឌ្រីមសង់c១២៥ ពណ៌ខ្មៅ ពាក់ស្លាកលេខភ្នំពេញ1CH-0928 បើកបរដោយឈ្មោះញឹក ញ៉ែម ភេទប្រុស អាយុ២៧ឆ្នាំ មានទីលំនៅភូមិឃុំកើតហេតុខាងលើដោយបើកបរក្នុងទិសដៅពីលិចទៅកើត ពេលមកដល់ចំណុចកើតុហេតុខាងលើបានបុកជាមួយនឹងកង់ដែលមានទិសដៅស្របគ្នាបណ្តាលឲ្យបុរសវ័យចំណាស់ម្នាក់ ដែលជាអ្នកជិះកង់ឈ្មោះ ហួត ហូ ភេទប្រុស អាយុ៦៣ឆ្នាំ មានទីលំនៅភូមិឃុំកើតហេតុជាមួយគ្នារងរបួសយ៉ាងធ្ងន់ធ្ងរហើយត្រូវបានសាច់ញាតិ និង ក្រុមគ្រួសារដឹកយកទៅសង្គ្រោះនៅមន្ទីរពេទ្យរាជធានីភ្នំពេញ។
កង់និងម៉ូតូ ត្រូវបានសមត្ថកិច្ចរក្សាទុកនៅប៉ុស្តិ៍នគរបាលរដ្ឋបាលឃុំថ្មពូន រង់ចាំដោះស្រាយតាមច្បាប់៕
Source: Kampuchea Thmey Daily
0 Comments