ភ្នំពេញ ៖ នៅព្រឹកថ្ងៃទី២១ ខែសីហា ឆ្នាំ២០១៨នេះ មានជំនួបពិគ្រោះយោបល់មួយរវាងប្រមុខរាជរដ្ឋាភិបាល និងមេដឹកនាំបក្សនយោបាយក្រោមអធិបតីភាពសម្តេចតេជោ ហ៊ុន សែន ក្នុងនាមជានាយករដ្ឋមន្ត្រីនៃកម្ពុជាឈ្នះឆ្នោតក្នុងអាណត្តិថ្មី ហើយក្នុងនោះ មានថ្នាក់ដឹកនាំគណបក្សនយោបាយចំនួន១៦ ដែលចូលរួមបោះឆ្នោត បានចូលរួម ចំណែកគណបក្សនយោបាយចំនួន៤ផ្សេងទៀតមិនបានចូលរួមនោះទេ រួមមាន គណបក្សមាតុភូមិយើង គណបក្សប្រជាធិបតេយ្យមូលដ្ឋាន គណបក្សសម្ព័ន្ធដើម្បីប្រជាធិបតេយ្យ និង គណបក្សខ្មែរឈប់ក្រ។
ដោយឡែកថ្នាក់ដឹកនាំគណបក្សនយោបាយចំនួន១៦ ដែលចូលរួមកិច្ចពិគ្រោះយោបល់នេះរួមមាន ទី១. គណបក្សខ្មែររួបរួមជាតិ ទី២. គណបក្សពន្លឺថ្មី ទី៣. គណបក្សសញ្ជាតិកម្ពុជា
ទី៤. គណបក្សខ្មែរក្រោក ទី៥. គណបក្សសំបុកឃ្មុំសង្គមប្រជាធិបតេយ្យ ទី៦. គណបក្សសាធារណរដ្ឋប្រជាធិបតេយ្យ ៧. គណបក្សសាធារណរដ្ឋខ្មែរ ៨. គណបក្សរស្មីខេមរា
៩៖ គណបក្សហ៊្វុនស៊ិនប៉ិច ១០. គណបក្សខ្មែរអភិវឌ្ឍសេដ្ឋកិច្ច ទី១១. គណបក្សយុវជនកម្ពុជា ទី១២. គណបក្សធម្មាធិបតេយ្យ ទី១៣. គណបក្សឆន្ទៈខ្មែរ ទី១៤. គណបក្សជនជាតិដើមប្រជាធិបតេយ្យកម្ពុជា ទី១៥. គណបក្សខ្មែរតែមួយ និងទី១៦. គណបក្សប្រជាជនកម្ពុជា។
នេះបើតាមបញ្ជីសមាសភាពចូលរួមក្នុងកិច្ចប្រជុំពិគ្រោះយោបល់រវាងរាជរដ្ឋាភិបាល និងគណបក្សនយោបាយទាំង២០ ដែលលោក ផៃ ស៊ីផាន អ្នកនាំពាក្យរាជរដ្ឋាភិបាល បានបង្ហោះលើហ្វេសប៊ុករបស់លោក នៅព្រឹកថ្ងៃទី២១ ខែសីហា មុននេះបន្តិចនេះ៕
Source: Kampuchea Thmey Daily
0 Comments