រតនគិរី ៖ យុវតីសិស្សសាលាម្នាក់ ត្រូវរថយន្តមិនស្គាល់ម៉ាកបើកបុក ហើយរត់គេចខ្លួនបាត់ស្រមោល ខណៈយុវតីរងគ្រោះកំពុងជិះម៉ូតូលើដងផ្លូវជាតិ។
គ្រោះថ្នាក់ចរាចរណ៍នេះ បានកើតឡើងនៅវេលាម៉ោង៨និង១០នាទីថ្ងៃចន្ទ ៩កើត ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២០ ខែសីហា ឆ្នាំ២០១៨ តាមបណ្តោយផ្លូវជាតិលេខ៧៨នៅត្រង់ចំណុចមុខកាឡាក់ស៊ី ស្ថិតនៅក្នុងភូមិអូរកន្សែង សង្កាត់បឹងកន្សែង ក្រុងបានលុង។
យុវតីរងគ្រោះជិះម៉ូតូម៉ាក ធូដេ ពណ៌ក្រហម ពាក់ស្លាកលេខ រតនគិរី 1B-6290 មានឈ្មោះ ចាន់ ស្រីលីលី អាយុ១៧ឆ្នាំ ជជនជាតិវៀតណាម មានទីលំនៅភូមិជ័យនះ សង្កាត់ឡាបានសៀក ក្រុង បានលុង មុខរបរជាសិស្ស (របួសធ្ងន់) ត្រូវបានដឹកបញ្ជូនមកកាន់មន្ទីរពេទ្យបង្អែកខេត្តដើម្បីព្យាបាល។
រីឯរថយន្តបង្កហេតុមិនស្គាល់ម៉ាកក្រោយកើតហេតុ បានបើករត់គេចខ្លួនបាត់ ពីកន្លែងកើតហេតុផងដែរ។
បច្ចុប្បន្ន ម៉ូតូ ត្រូវបានកម្លាំងជំនាញ យកទៅរក្សាទុកនៅការិយាល័យចរាចរណ៍នៃស្នងការដ្ឋាននគរបាលខេត្តដើម្បីស្វែងរករថយន្តបង្កហេតុមកទទួលខុសត្រូវចំពោះមុខច្បាប់៕
Source: Kampuchea Thmey Daily
0 Comments