ស្វាយរៀង ៖ ឧក្រិដ្ឋជនពីរនាក់ ដែលបានរំលោភសម្លាប់នារីបុគ្គលិកកាស៊ីណូជាភ្ញៀវជាង១ឆ្នាំមុន ត្រូវបានសាលាដំបូងខេត្តស្វាយរៀង កាលពីថ្ងៃទី២៣ ខែសីហា សម្រេចដាក់ទោសអស់មួយជីវិត។
រយៈពេលពេញ០១ថ្ងៃនៃការសួរដេញដោលក្នុងអង្គសវនាការ រហូតម៉ោង១៦និង៣០នាទីសាលក្រមត្រូវបានប្រកាសដោយប្រធានក្រុមប្រឹក្សាជំនុំជម្រះសម្រេចផ្តន្ទាទោសលើជនជាប់ចោទទាំង២នាក់ដាក់ពន្ធនាគារក្នុងម្នាក់ៗអស់មួយជីវិត និងរួមគ្នាសងសំណងទៅដើមបណ្តឹងរដ្ឋប្បវេណីចំនួន៦ម៉ឺនដុល្លារ(បើកផ្លូវអោយប្តឹងឧទ្ធរណ៍តាមកំណត់ច្បាប់)។
ជនជាប់ចោទទាំងពីរនេះ មានឈ្មោះ ឆឺយ សុជាតិ អាយុ៣៦ឆ្នាំ រស់នៅភូមិ ព្រៃតាញ៉យ ឃុំខ្សែត្រ ស្រុក កំពង់រោទិ៍ ខេត្តស្វាយរៀង ដកហូតរថយន្ត ១ គ្រឿង ម៉ាក ម្នាក់ទៀត ឈ្មោះផ្លេក មុន្នី ភេទប្រុស អាយុ ៣២ឆ្នាំ។ ជនសង្ស័យទាំងពីរនាក់មុខរបរបើកបររថយន្តតាក់ស៊ី ដែលបានរំលោភសម្លាប់ ជនរងគ្រោះឈ្មោះ សុវណ្ណ សុម៉ាលីន ភេទស្រី អាយុ ១៨ ឆ្នាំ ស្រុកកំណើតខេត្តត្បូងឃ្មុំ កាលពីថ្ងៃទី២ ខែសីហា ឆ្នាំ២០១៧ និងបានបោះសពចោលក្នុងទឹកកែងស្រែ ហើយត្រូវបានពលរដ្ឋប្រទះឃើញ កាលពីថ្ងៃទី៤ខែសីហាឆ្នាំ២០១៧ក្នុងភូមិ តាពៅ សង្កាត់ បាវិត ក្រុងបាវិត ខេត្តស្វាយរៀង៕
Source: Kampuchea Thmey Daily
0 Comments