ពិតជាអស្ចារ្យ! រថយន្តHyundai Tucson ស៊េរីឆ្នាំ២០១៩ លេចវត្តមាននៅកម្ពុជាហើយ

ភ្នំពេញ ៖ រថយន្តដែលទទួលបានពានរង្វាន់ផ្នែកសុវត្ថិភាពគឺត្រឡប់មកវិញ ហើយកំពុងត្រៀមខ្លួនសម្រាប់ការផ្សងព្រេងគ្រប់ប្រភេទជាមួយលោកអ្នក។ មិនតែប៉ុណ្ណោះរថយន្តដែលឈ្នះពានរង្វាន់៥ដងលើផ្នែកសុវត្ថិភាពខ្ពស់(Top Safety Pick)ពីវិទ្យាស្ថានធានារ៉ាប់រងលើសុវត្ថិភាពផ្លូវថ្នល់(IIHS)នៃសហរដ្ឋអាមេរិក ត្រូវបានបង្ហាញខ្លួនហើយនៅប្រទេសកម្ពុជា។

លោក ប្រាយ អ៊ែនខូ នាយប្រតិបត្តិរបស់ក្រុមហ៊ុនហ៊ីយ៉ាន់ដាយបានលើកឡើងនាឱកាសបើកបង្ហាញផ្លូវការរថយន្ត Hyundai Tucson ស៊េរីឆ្នាំ២០១៩កាលពីរាត្រីថ្ងៃទី២៣ ខែសីហា ឆ្នាំ២០១៨ថានេះជារថយន្ត Tucsonជំនាន់ទី៣ដែលត្រូវអភិវឌ្ឍនិងបន្ថែមលក្ខណៈពិសេសថ្មី។រថយន្តTucson បានឈ្នះពាន់រង្វាន់J.D Power 2018 U.S.លើគុណភាពរថយន្តដែលល្អបំផុតនិងអាចពឹងផ្អែកបាននិងត្រូវទទួលស្គាល់ពីអ្នកប្រើប្រាស់ជាខ្លាំង។

លោក ប្រាយ អ៊ែនខូ បានបញ្ជាក់ថា ក្រុមហ៊ុន Hyundai ត្រៀមខ្លួននាំមុខគេផ្នែកលក់រថយន្តផ្នែកគ្រួសារនៅកម្ពុជាជាមួយរថយន្តSUV ខ្នាតធំ ខ្នាតតូច ម៉ូឌែលបែបប្រណីតប្រកបដោយថាមពល។ចំណែកឯរថយន្តTucsonដែលកំពុងបង្ហាញជាសាធារណៈមានពីរម៉ូឌែលគឺDeluxe Option ហើយ Premium Option។

នាយប្រតិបត្តិរបស់ក្រុមហ៊ុនហ៊ីយ៉ាន់ដាយរូបនេះបញ្ជាក់ទៀតថារថយន្ត Tucson ស៊េរីឆ្នាំ២០១៩គឺជារថយន្តល្អឥតខ្ចោះសម្រាប់អ្នកដែលចង់មានរថយន្តដំបូងនិងអ្នកដែលចង់ផ្លាស់ប្ដូររថយន្តប្រភេទខ្នាតមធ្យមមួយទឹករបស់ជប៉ុនដែលត្រូវជួសជុលច្រើនមកប្រើរថយន្តថ្មី ដែលមានការធានាលើគុណភាពរបស់ក្រុមហ៊ុនហ៊ីយ៉ាន់ដាយ។

ដោយឡែកបើតាមការលើកឡើងរបស់លោក Laurent Aiguier ប្រធានផ្នែកទំនាក់ទំនងរបស់ធនាគារBRED Bank(Cambodia)Pic ដែលបានសហការណ៍ជាមួយក្រុមហ៊ុនហ៊ីយ៉ាន់ដាយបាននិយាយថាធនាគារBRED Bankនិងផ្តល់អត្រាការប្រាក់ទាបបំផុតត្រឹមតែ៨,៤ភាគរយក្នុងមួយឆ្នាំដោយបង់ការប្រាក់ដំបូង៥០ភាគរយដើម្បីទទួលបានប្រាក់កម្ចីទិញរថយន្តរបស់ក្រុមហ៊ុនហ៊ីយ៉ានដាយ។

សូមបញ្ជាក់ថា លក្ខណៈពិសេសថ្មីទាំងអស់សម្រាប់រថយន្តTucson ស៊េរីឆ្នាំ២០១៩ថ្មីគឺមានបំពាក់កាមេរ៉ាច្រើនកន្លែងមើលជុំវិញបាន, ឧបករណ៍ឡានអេឡិចត្រូនិក,ឧបករណ៍ឲ្យសញ្ញាពេលរថយន្តដ៏ទៃកំពុងជែង ,ភ្លើងបំភ្លឺក្រោយកញ្ចក់មើលចំហៀង ដើម្បីបង្កើនសុវត្ថិភាពនិងផាសុកភាពនៃបទពិសោធន៍របស់អ្នកនៅលើកៅអី អ្នកបើកបរ៕