ចាប់ផ្តើម​វាយ​ជម្រុះ​ខ្មែរ​-​ថៃ​-​ឡាវ ដណ្តើម​ខ្សែក្រវាត់​គូ​បូ​តា​ទម្ងន់​៥៤​គីឡូក្រាម

ព្រឹត្តិការណ៍​ប្រដាល់​មួយ​ដែលមាន​អ្នក​ប្រដាល់​កម្ពុជា​៥​រូប និង អ្នក​ប្រដាល់​ថៃ​៣​រូប ឡាវ​២​រូប ដើម្បី​ជួបគ្នា​វាយ​ដណ្តើម​ខ្សែក្រវាត់ « កំពូល​អ្នក​ប្រដាល់​ខ្សែក្រវាត់​គូ​បូ​តា រដូវ​កាល​ទី​៩ » នឹង​ចាប់ផ្តើម​ធ្វើការ​ប្រកួត​ជម្រុះ​នៅ​យប់​ថ្ងៃទី​១៧​សីហា​២០១៨​នេះហើយ នៅលើ​សង្វៀន​បាយ័ន​ស្ទឹងមានជ័យ។

អ្នក​ប្រដាល់​ទាំង​៥​រូប​របស់​កម្ពុជា​នោះ គឺ​ចាន់ សាន់ ក្លិប​និរោធ​មានជ័យ - ខេ​ម ចាន់ ក្លិប​កងពលតូច​ទ័ព​ឆ័​ត្រ​យោង​៩១១ - ផាន ផាត់​យុទ្ធ ក្លិប​សាល​វ័​ន្ត​កីឡា - ប៊ុន សុធា សមាគម​កីឡា​ក្រសួងការពារជាតិ និង រិ​ទ្ធ អាទិត្យ ក្លិប​អាណាចក្រ​គុន​ខ្មែរ។ អ្នក​ប្រដាល់​ទាំង​៥​រូបនេះ សុទ្ធតែ​ចម្រាញ់​ចេញពី​ក្នុងចំណោម​កីឡាករ​៨​រូប ក្នុងការ​ប្រកួត​ជម្រុះ​កន្លងមក។

ចំពោះ​អ្នក​ប្រដាល់​ថៃ​វិញ មាន​Anuntasak Site Phukhorngyus និង Kaoreanghom Pctchchinda ហើយ​អ្នក​ប្រដាល់​ឡាវ មាន​Plangthip Por.Yuthphumi​និង Wangngeun Rungreankilanak Orruphathom។

សម្រាប់​ការ​វាយ​ជម្រុះ​ថ្ងៃ​ដំបូង​នេះ គឺ​ជម្រុះ​តែ​៤​គូ​មុន​ប៉ុណ្ណោះ គឺ ចាន់ សាន់ នឹង​ជួប​ប្រកួត​ជាមួយ​ថៃ​Anuntasak Site Phukhorngyus ,​ខេ​ម ចាន់ ជួប​ជាមួយ​ថៃ Kaoreanghom Pctchchinda ,​ប៊ុន សុធា ជួប​ជាមួយ​ឡាវ Plangthip Por.Yuthphumi និង​មួយគូ​ទៀត ផាន ផាត់​យុទ្ធ ជួប​ជាមួយ​ឡាវ​Wa ngngeun Rungreankilanak Orruphathom។

ចាន់ សាន់ និង Anuntasak មិន​ធ្លាប់​ជួបគ្នា​ទេ​កន្លងមក ។ នេះ​ជា​លើក​ទី​១ របស់​អ្នក​ប្រដាល់​ទាំងពីរ​ជួប​ប្រកួត​គ្នា ដែល​ការជួប​ប្រកួត​ជម្រុះ​លើកដំបូង​នេះ មិនដឹងថា​អ្នកណា​ឈ្នះ អ្នកណា​ចាញ់ នោះទេ?។

ខេ​ម ចាន់ ជាមួយ​ថៃ Kaoreanghom Pctchchinda ពួកគេ​ក៏​មិន​ធ្លាប់មាន​ប្រវត្តិ​ជួបគ្នា​ដែរ​កន្លងមក ។ យ៉ាងណា អ្នក​ប្រដាល់​ទាំងពីរ​រូបនេះ មាន​សមត្ថភាព​បច្ចេកទេស​ប្រហាក់ប្រហែលគ្នា​ទេ បើតាម​អ្នករៀបចំ​ការប្រកួត​អោយដឹង។

ប៊ុន សុធា ជួប​ជាមួយ​ឡាវ Plangthip Por.Yuthphumi ក៏​ពុំដែល​ជួប​ប្រកួត​គ្នា​ដែរ ព្រោះថា​ប៊ុន សុធា ជា​អ្នក​ប្រដាល់​វ័យក្មេង​ស្រករ​ក្រោយ ទើប​សាក​ជាមួយ​ថៃ​បាន​៣​ដង​ប៉ុណ្ណោះ ដោយ​ឈ្នះ ២ ចាញ់​១ ប្រកួត​។​ចាំមើល តើន​រណា​ឈ្នះ​រវាង​ប៊ុន សុធា ជាមួយ​ឡាវ Plangthip Por.Yuthphumi​នេះ​?​។​

ចំពោះ​ការប្រកួត​ជម្រុះ​ខ្សែក្រវាត់​មួយគូ​ទៀត​នោះ គឺជា​ការជួបគ្នា​រវាង ផាន ផាត់​យុទ្ធ ជួប​ជាមួយ​ឡាវ Wa ngngeun Rungreankilanak Orruphathom សម្រាប់​អ្នក​ប្រដាល់​ទាំងពីរ មិនដឹងថា នរណា​ឈ្នះ​នោះឡើយ ?៕



Source: Kampuchea Thmey Daily