បន្ទាយមានជ័យ ៖ យុវជនពីរនាក់ក្នុងចំណោមគ្នាបីនាក់ រងរបួសដាច់ជើង និងរបួសក្បាលដោយសារដើរដាក់អន្ទាក់សត្វតាមព្រំដែនកម្ពុជា ថៃ ជាន់មីនផ្ទុះ កាលពីរសៀលថ្ងៃទី១ ខែសីហា ឆ្នាំ២០១៨ ត្រូវបាននាំទៅសង្គ្រោះបន្ទាន់។
មន្ត្រីនគរបាលការពារព្រំដែនគោក វរសេនាតូច៨០៧ ស្រុកថ្មពួក បានឲ្យអ្នកព័ត៌មានដឹងថា ជនរងគ្រោះមានឈ្មោះ អឿន នី ភេទប្រុស អាយុ២០ឆ្នាំ រស់នៅភូមិរំដួលចាស់ ឃុំអំពិល ស្រុកបន្ទាយអំពិល ខេត្តឧត្តរមានជ័យ បានរងរបួសដាច់ជើងទាំងសងខាង និងរបួសពេញខ្លួនប្រាណ ដោយសារដើរជាន់មីន នៅក្បែរព្រំដែនកម្ពុជាថៃ ចំណុចជើងភ្នំដងរ៉ែក ចន្លោះបង្គោលសីម៉ាលេខ ២៧ - ២៨ ស្ថិតនៅភូមិដងរ៉ែក ឃុំបន្ទាយឆ្មារ ស្រុកថ្មពួក ខេត្ត បន្ទាយមានជ័យជាមួយនឹងយុវជនពីរនាក់ទៀតមានឈ្មោះស្នាងគ្រើម ភេទប្រុស អាយុ៤២របួសក្បាល(ស្រាល) រស់នៅភូមិរដួលថ្មី ឃុំបន្ទាយអំពិល ស្រុកបន្ទាយអំពិល ឧត្តមានជ័យ ឈ្មោះ ចាចហ៊ា ភេទប្រុស អាយុ៤៥ឆ្នាំ អ្នករួមដំណើរ អត់រងរបួសទេ។
ជនរងគ្រោះ ក្រោយកើតហេតុភ្លាមៗ ត្រូវបានក្រុមគ្រួសារ និងប្រជាពលរដ្ឋ បញ្ជូនទៅសង្គ្រោះបន្ទាន់នៅមន្ទីរពេទ្យបង្អែកស្រុកថ្មពួក ហើយបញ្ជូនបន្តទៅសង្គ្រោះនៅមន្ទីរពេទ្យមិត្តភាពកម្ពុជា-ជប៉ុន ស្រុកមង្គលបូរី ខេត្តបន្ទាយមានជ័យ៕
Source: Kampuchea Thmey Daily
0 Comments