បន្ទាយមានជ័យ ៖ នៅល្ងាច ថ្ងៃទី១៣ ខែសីហា ឆ្នាំ២០១៨ កម្លាំងប៉ុស្តិ៍ផ្សារកណ្ដាល បានល្បាតក្នុងភូមិសាស្ត្រ ផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត បានប្រទះឃើញជនសង្ស័យ១នាក់ មានឈ្មោះ ឆោម ម៉ាន់ ភេទ ប្រុស អាយុ ២២ ឆ្នាំ រស់នៅភូមិផ្សារកណ្តាល សង្កាត់ផ្សារកណ្តាល កម្លាំងនគរបាលបានធ្វើការត្រួតពិនិត្យរកឃើញម្សៅក្រាមពណ៌សថ្លា ចំនួន ១ កញ្ចប់ ក្រោយមកទៀតកម្លាំងនគរបាល បាននាំខ្លួនមកប៉ុស្តិ៍ដើម្បីសាកសួរ។
ក្រោយពីកម្លាំងនគរបាលសាកសួររួចមកបានស្រាវជ្រាវឈានដល់ការឃាត់ខ្លួនជនសង្ស័យជួញដូរគ្រឿងញៀនម្នាក់ទៀតមានឈ្មោះសុខ ចិន ហៅ ឆៃ ភេទប្រុស អាយុ៣៥ ឆ្នាំ មានទីលំនៅភូមិផ្សារកណ្តាល សង្កាត់ផ្សារកណ្តាល នៅចំណុចកែងសណ្ឋាគារ លី ហេងឆាយ ស្ថិតក្នុងភូមិបាលិលេយ្យ២ សង្កាត់ប៉ោយប៉ែត នៅវេលាម៉ោង៩យប់ ដកហូតបានម្សៅក្រាមពណ៌សថ្លាចំនួន ២ កញ្ចប់ទូរស័ព្ទ ២ គ្រឿងបាននាំខ្លួនមកប៉ុស្តិ៍ដើម្បីសាកសួរបន្ត។ ក្រោយពីសាកសួរនៅ វេលាម៉ោង៥ព្រឹកឈានចូល ថ្ងៃទី១៤ ខែសីហា ឆ្នាំ២០១៨ កម្លាំងជំនាញប្រឆាំងបទល្មើសគ្រឿងញៀន ក្រុងប៉ោយប៉ែត សហការជាមួយកម្លាំងប៉ុស្តិ៍ សង្កាត់ ផ្សារកណ្ដាល បន្តឃាត់ខ្លួនជនសង្ស័យប្រើប្រាស់គ្រឿងញៀនបានចំនួន ៥ នាក់ទៀត។
នគរបាលប៉ុស្តិ៍ផ្សារកណ្ដាលបានបញ្ជាក់ឲ្យដឹងទៀតថា ជនសង្ស័យទាំង៥នាក់នោះ១មានឈ្មោះ សួស ចាន់ ភេទ ប្រុស អាយុ ២១ ឆ្នាំ ២ មានឈ្មោះ ឌឹម វិន ភេទ ប្រុស អាយុ ២២ ឆ្នាំ ៣មានឈ្មោះ សេង កីឡាប ភេទ ប្រុស អាយុ ២៩ ឆ្នាំ ៤មានឈ្មោះ ហង្យ គី ភេទ ប្រុស អាយុ ២៣ ឆ្នាំ៥មានឈ្មោះហេង ភី ភេទប្រុស អាយុ២៨ឆ្នាំ រស់នៅ ភូមិ ផ្សារកណ្ដាល សង្កាត់ ផ្សារកណ្ដាល ក្រុង ប៉ោយប៉ែត ខេត្ត បន្ទាយមានជ័យ។
ជនសង្ស័យទាំង៥នាក់ត្រូវបានកម្លាំងនគរបាលបញ្ជូនមកស្នងការ ហើយបានកសាងសំណុំរឿងទៅតុលាការដើម្បីដាក់ទោសទៅតាមផ្លូវច្បាប់៕
Source: Kampuchea Thmey Daily
0 Comments