លោកនាយករដ្ឋមន្ត្រី ស៊ីនហ្សូ អាបេ កាលពីថ្ងៃសុក្របាននិយាយជាថ្មីអំពីជំហររបស់ប្រទេសជប៉ុនថា ជម្លោះលើកោះដែលរឹបអូសដោយកងទ័ពរុស្ស៊ីនៅថ្ងៃចុងក្រោយនៃសង្គ្រាមលោកលើកទី២ត្រូវតែដោះស្រាយមុនពេលសន្ធិសញ្ញាសន្តិភាពមួយអាចត្រូវបានចុះហត្ថលេខាដើម្បីបញ្ចប់អរិភាពជាផ្លូវការរវាងប្រទេសរបស់ពួកគេ។
លោកពូទីនហាក់ដូចជាបង្ហាញសញ្ញាវិជ្ជមានចំពោះលោក អាបេ នៅពេលលោកនិយាយក្នុងវេទិកាថ្នាក់តំបន់មួយនៅទីក្រុង វ្ល៉ាឌីវ៉ូស្តុក កាលពីថ្ងៃពុធថា ប្រទេសទាំងពីរគួរតែចុះហត្ថលេខាលើសន្ធិសញ្ញាសន្តិភាពមួយនៅចុងឆ្នាំនេះដោយគ្មានលក្ខខណ្ឌជាមុននោះទេ។
លោក អាបេ បាននិយាយអំឡុងការជជែកដេញដោលតាមទូរទស្សន៍មួយជាមួយគូប្រជែងរបស់គាត់សម្រាប់ការបោះឆ្នោតភាពជាអ្នកដឹកនាំគណបក្សកាន់អំណាចថ្ងៃទី២០ខែកញ្ញថា “យើងត្រូវមើលសញ្ញាពីមតិជាច្រើនដែលលោកប្រធានាធិបតីពូទីនបានធ្វើឡើង។ វាជាការពិតដែលថា លោកបានស្នើឲ្យធ្វើការដោយត្រឹមត្រូវលើសន្ធិសញ្ញាសន្តិភាពមួយ។ ពិតណាស់ ជំហររបស់ជប៉ុនគឺដោះស្រាយជម្លោះដែនដីហើយសម្រេចសន្ធិសញ្ញាសន្តិភាព”។
មេដឹកនាំទាំងពីរទំនងជានឹងជួបប្រជុំគ្នាក្នុងកិច្ចប្រជុំកំពូលថ្នាក់តំបន់មួយឬពីរនៅចុងឆ្នាំនេះ។
ទាំងក្រុងមូស្គូនិងតូក្យូបានទាមទារអធិបតេយ្យភាពលើកោះដែលត្រូវបានគេស្គាល់នៅក្នុងប្រទេសរុស្ស៊ីថា Kurile និងនៅជប៉ុនថាជា Northern Territories ។ លោក អាបេ បានយកការដោះស្រាយជម្លោះនេះធ្វើជាគន្លឹះនៃវេទិកានយោបាយរបស់គាត់។
លោកអាបេបាននិយាយថា កិច្ចព្រមព្រៀងមួយនឹងដោះសោពាណិជ្ជកម្មនិងការវិនិយោគពីក្រុមហ៊ុនជប៉ុនសម្រាប់ប្រទេសរុស្ស៊ីបន្ទាប់ពីរុស្ស៊ីត្រូវបានកាត់ចេញពីការវិនិយោគរបស់ប្រទេសលោកខាងលិចដោយសារតែការដាក់ទណ្ឌកម្ម។
ចំពោះលោកពូទីនឯណោះវិញ ការបោះបង់ចោលកោះនេះនឹងប្រឈមនឹងប្រតិកម្មនយោបាយក្នុងប្រទេស៕ REUTERS
Source: Kampuchea Thmey Daily
0 Comments