រតនគិរី ៖ យុវតីម្នាក់ ត្រូវបានសត្វក្របីវ័ធចំពោះខាងឆ្វេងណ្តាលឲ្យចេញពោះវៀនមកខាងក្រៅរងរបួសធ្ងន់ធ្ងរ ខណៈយុវតីរងគ្រោះ បានឈរនៅក្បែរសត្វក្របីនោះ មិនបានប្រុងប្រយ័ត្ន។
គ្រោះថ្នាក់សត្វក្របីវ័ធនេះ បានកើតឡើងនៅវេលាម៉ោង៣និ០០នាទីរសៀលថ្ងៃសៅរ៍ ៦កើត ខែភទ្របទ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៥ ខែកញ្ញា ឆ្នាំ២០១៨ នៅចំណុចចម្ការអូរគីស ស្ថិតនៅក្នុងភូមិឡាឡៃ ឃុំកុកឡាក់ ស្រុកវើនសៃ។
នគរបាលស្រុកវើនសៃ បានឲ្យដឹងថា យុវតីរងគ្រោះឈ្មោះ ស៊ីង សល់ ភេទស្រី អាយុ១២ឆ្នាំ ជនជាតិកាវែត មានទីលំនៅភូមិឃុំកើតហេតុខាងលើ។
នគរបាលបន្តថា មូលហេតុយុវតីរងគ្រោះបានទៅឃ្វាលក្របីដោយគ្មានការប្រុងប្រយ័ត្នក៏ត្រូវបានក្របីវ័ធចំ ពោះធ្លាយពោះវៀនចេញមកខាងក្រៅ។
បច្ចុប្បន្នយុវតីរងគ្រោះត្រូវបានឪពុកម្តាយដឹកបញ្ជូនយកទៅសង្គ្រោះបន្ទាន់នៅឯមណ្ឌលសុខភាពស្រុកវើនសៃផងដែរ។
សូមបញ្ជាក់ថា យុវតីរងគ្រោះមកទល់នឹងពេលនេះ មិនទាន់ដឹងថាតើរួចផុតពីគ្រោះថ្នាក់ដល់អាយុជីវិត ឬមួយយ៉ាងណានោះនៅឡើយទេ ដោយអ្នកសារព័ត៌មានមិនមានលេខទូរស័ព្ទទំនាក់ទំនងទៅមណ្ឌលសុខភាពស្រុកវើនសៃបានឡើយ៕
Source: Kampuchea Thmey Daily
0 Comments