រតនគិរី ៖ បុរសម្នាក់ ត្រូវចរន្តអគ្គិសនីឆក់បណ្តាលឲ្យរងរបួសធ្ងន់ធ្ងរ ខណៈជនរងគ្រោះកំពុងធ្វើផ្ទះនៅក្បែរខ្សែកាបភ្លើងធំមួយកន្លែង។
ហេតុការណ៍គ្រោះថ្នាក់ឆក់ខ្សែភ្លើងនេះ បានកើតឡើងនៅវេលាម៉ោង៨និង៤០នាទីព្រឹកថ្ងៃចន្ទ ៨កើត ខែភទ្របទ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៧ ខែកញ្ញា ឆ្នាំ២០១៨ នៅត្រង់ចំណុច កែងការ៉ាស់សាំងសុខ លាង ស្ថិតនៅក្នុងភូមិអូរកន្សែង សង្កាត់បឹងកន្សែង ក្រុង បានលុង។
នគរបាលប៉ុស្តិ៍បឹងកន្សែងបានឲ្យដឹងថា ជនរងគ្រោះឈ្មោះ ជ្រឿន រុំ ភេទប្រុស អាយុ៣៧ឆ្នាំ ជនជាតិខ្មែរ មុខរបរ ជាងសំណង់ មានទីលំនៅភូមិអូរកន្សែង សង្កាត់បឹងកន្សែង ក្រុងបានលុង ត្រូវបានចរន្តអគ្គិសនីឆក់បណ្តាលឲ្យរងរបួសធ្ងន់ ត្រូវបានដឹកបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្តភ្លាមៗផងដែរ៕
Source: Kampuchea Thmey Daily
0 Comments