ភ្នំពេញ ៖ យោងតាមផេកផ្លូវការរបស់ក្រសួងធនធានទឹកបានឲ្យដឹងថា មកដល់ម៉ោង ១១:៣០ នាទី ព្រឹកថ្ងៃទី ១៧ ខែកញ្ញា ឆ្នាំ ២០១៨ នេះ ទឹកស្ទឹងសំរោង ផ្លូវជាតិលេខ ៤ ត្រង់ចំណុចស្ពានសំរោង (គម ១១៦) ភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ បានបន្តកើនឡើងព្រៀបនឹងចិញ្ចើមផ្លូវជាតិជាបណ្តើរៗហើយ។ ទឹកនឹងបន្តកើនឡើងបន្ថែមទៀត ដូចនេះ សូមបង្កើនការប្រុងប្រយ័ត្នខ្ពស់ ។
សូមរំលឹកថាកាលពីរសៀល ថ្ងៃទី ១៣ ខែកញ្ញា ក្រសួងបានជូនដំណឹងថា ព្យុះពីកំពុងកើតឡើង នៅ ប្រទេស វៀតណាម និង ប្រទេស ចិន នឹងមានឥទ្ធិពល លើ ប្រទេស កម្ពុជា ដែល ធ្វើ ឲ្យ ប្រទេស កម្ពុជា យើង បន្ត ទទួល ការធ្លាក់ភ្លៀង រាយប៉ាយពី មធ្យម ទៅ ច្រើន ក្នុង ក្របខ័ណ្ឌ ទូទាំងប្រទេស។
នៅក្នុង សេចក្តីជូនដំណឹង ក្រសួង ធនធានទឹកនិង ឧតុនិយម បានប្រកាស ពី ស្ថានភាព និង ឥទ្ធិពល របស់ ខ្យល់ព្យុះ ទី ២២ឈ្មោះ មង្ឃុត និង ខ្យព្យុះ ទី ២៣ ឈ្មោះ បារី ចា ត ។ ខ្យល់ព្យុះ ទី ២២ ឈ្មោះ មង្ឃុតបាន និង កំពុងធ្វើដំណើរ ទៅដល់ ភាគ ខាងជើង ប្រទេស វៀតណាម នៅ យប់ថ្ងៃទី ១៧ ខែកញ្ញា ។ រីឯ ខ្យល់ព្យុះ ទី ២៣ ឈ្មោះ បារី ចា ត នឹង ថយឥទ្ធិពល នៅក្នុងសមុទ្រ ចិន ខាងត្បូង ត្រង់ ភាគ ខាងជើង កោះ ហៃណាំ ។
ក្រសួង ធនធានទឹក និង ឧតុនិយម បានប្រកាសថា ព្យុះ ពីរ ដែល កើតឡើង នៅប្រទេសវៀតណាម និង ប្រទេស ចិន នឹងមាន ឥទ្ធិពល លើ ប្រទេស កម្ពុជា ដែលធ្វើ ឲ្យ ប្រទេស កម្ពុជា យើង បន្ត ទទួល ការធ្លាក់ ភ្លៀង រាយប៉ាយ ពី មធ្យម ទៅច្រើន ក្នុង ក្របខ័ណ្ឌ ទូទាំងប្រទេស ចាប់ពី ថ្ងៃទី ១៣ ដល់ ថ្ងៃទី ១៩ ខែកញ្ញា។ ក្នុងនោះ នៅ តំបន់ ជាប់ ព្រំដែន កម្ពុជា - ឡាវ និង តាម បណ្តោយ ព្រំដែន កម្ពុជា -វៀតណាម អាច នឹងមាន ភ្លៀង ធ្លាក់ ច្រើន ដែល អាច បង្ក ជា ជំនន់ ទឹកភ្លៀង។
ជាមួយនឹង ឥទ្ធិពល នៃ ខ្យល់ព្យុះ ទាំងពីរ នេះ ក្រសួង ធនធានទឹក និង ឧតុនិយមក៏បាន ប្រកាសថា ប្រព័ន្ធ សម្ពាធ ទាប បន្ត អូស កាត់ លើ អាង ទន្លេមេគង្គ និងបន្ត មាន ឥទ្ធិពល លើ ព្រះរាជាណាចក្រ កម្ពុជា យើង៕
Source: Kampuchea Thmey Daily
0 Comments