ភ្នំពេញ ៖ កម្លាំងគណៈបញ្ជាការឯកភាពខណ្ឌឫស្សីកែវបានធ្វើការឃាត់ខ្លួនជាក់ស្ដែងជនសង្ស័យ២នាក់ ដែលរក្សាទុកដោយខុសច្បាប់នូវសារធាតុញៀន២កញ្ចប់តូច។
ហេតុការណ៍នេះបានកើតឡើងនៅវេលាម៉ោង២២និង៣០នាទីយប់ ថ្ងៃទី២៩ ខែតុលា ឆ្នាំ២០១៨កម្លាំងចម្រុះខណ្ឌ បានចុះធ្វើចរាចរណ៍ផ្លូវគោកត្រួតពិនិត្យជាតិស្រវឹង ត្រង់ចំណុចផ្លូវជាតិលេខ៥ស្ថិតក្នុងក្រុមទី៤ ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ។
សមត្ថកិច្ចបានឲ្យដឹងថាកម្លាំងបានធ្វើការឃាត់ខ្លួនជនសង្ស័យចំនួន០២នាក់ ៖
១.ឈ្មោះ ចាន់ កូលាប ភេទប្រុស អាយុ៣៣ឆ្នាំ ជនជាតិខ្មែរ ស្នាក់នៅក្នុងការដ្ឋានសំណង់ សង្កាត់ច្រាំងចំរេះ២ ខណ្ឌឫស្សីកែវ មុខរបរជាងសំណង់។
២.ឈ្មោះ តំវ៉ាង ភេទប្រុស អាយុ១៧ឆ្នាំ ជនជាតិខ្មែរ មានទីលំនៅមិនពិតប្រាកដ ស្នាក់នៅមិនពិតប្រាកដ មុខរបរកម្មករសំណង់។
សមត្ថកិច្ចបានឲ្យដឹងថា សម្ភារៈដកហូតបានរួមមាន ក្រាមពណ៌សថ្លាចំនួន០២កញ្ចប់តូច និងម៉ូតូ១គ្រឿង ម៉ាកសេ១២៥ ពណ៌ទឹកប្រាក់ គ្មានស្លាកលេខ។
ប្រភពបន្តថា បន្ទាប់ពីឃាត់ខ្លួន ជនសង្ស័យត្រូវបានកម្លាំងជំនាញខណ្ឌកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕
Source: Kampuchea Thmey Daily
0 Comments