មនុស្ស​រាប់​សិប​នាក់​ ត្រូវ​គេ​ព្រួយបារម្ភ​ថា កប់​ក្នុង​ការ​បាក់​ដី​នៅ​ប្រទេស​ ហ្វីលីពីន

មនុស្ស​ជាង​៣០​នាក់​ ត្រូវ​បាន​គេ​បារម្ភ​ថា​កប់​នៅ​ក្រោម​ការ​បាក់​ដី​ដ៏​ធំ​មួយ​កាលពី​ថ្ងៃ​អង្គារ​នៅក្នុង​ប្រទេស​ហ្វីលីពីន​ដែល​បង្កឡើង​ដោយ​ព្យុះ​ទី​ហ្វុ​ង Yutu ដែល​បាន​សម្លាប់​កុមារ​ចំនួន​៤​នាក់​និង​បុរស​ម្នាក់​រួចទៅហើយ​នៅពេល​វា​បោកបក់​ឆ្លងកាត់​ប្រទេស​ដែល​ងាយ​រងគ្រោះ​មួយ​នេះ​។​

ប្រមុខ​គ្រប់គ្រង​គ្រោះមហន្តរាយ​ក្នុង​តំបន់​លោក Ruben Carandang បាន​ប្រាប់ AFP ថា ប្រជាជន​នៅ​ភ្នំ Cordillera នៃ​តំបន់ Natonin ត្រូវបាន​កប់​នៅពេលដែល​ភក់​ដ៏​ក្រាស់​បាន​វាយប្រហារ​អគារ​ការងារ​សាធារណៈ​មួយ​។​
​
គាត់​បាន​និយាយថា មាន​មនុស្ស​រហូតដល់​ទៅ​៣១​នាក់​ត្រូវបាន​គេ​ជឿថា​ស្ថិតនៅក្នុង​រចនាសម្ព័ន្ធ​នោះ​ប៉ុន្តែ​ក្រុម​អ្នក​ជួយសង្គ្រោះ​មិនអាច​ទៅដល់​តំបន់​នោះបានទេ​ដោយសារតែ​ការបាក់​ដី​បាន​កាត់ផ្តាច់​ផ្លូវ​។ លោក​បាន​បន្ថែមថា “​វា​មិនមែនជា​មណ្ឌល​ជម្លៀស​ទេ​។ ប៉ុន្តែ​ជា​អកុសល មនុស្ស​មួយចំនួន​បាន​ទៅ​ជ្រកកោន​នៅ​ទីនោះ​”​។​
​
ក្រុម​អ្នកស្រាវជ្រាវ​ទើបតែ​ចាប់ផ្តើម​វាយតម្លៃ​អំពី​ការខូចខាត​ដែល​បង្កឡើង​ដោយ​ព្យុះ Yutu ដែល​បាន​បោកបក់​កាលពី​ព្រឹក​ថ្ងៃ​អង្គារ​។​
​
អាជ្ញាធរ​បាន​បញ្ជា​ក់រួ​ច​ទៅហើយ​ថា ឪពុក​ម្នាក់​និង​កូនតូចៗ​ចំនួន​៣​នាក់​ត្រូវបាន​សម្លាប់​នៅក្នុង​ការបាក់​ដី​នៅ​ទីក្រុង Banaue ដែល​ស្ថិតនៅ​ភាគខាងត្បូង​នៃ​កន្លែង​អគារ​ដែល​កប់​ក្នុង​ដី​។​
​ប៉ូលិស​បាន​និយាយថា ការបាក់​ដី​មួយទៀត​បានសម្លាប់​ក្មេងស្រី​អាយុ​៥​ឆ្នាំ​ម្នាក់​នៅក្នុង​ខេត្ត​ជិតខាង​មួយ​។​
​
មនុស្ស​ជិត​១​ម៉ឺន​នាក់​បាន​ភៀសខ្លួន​ចេញពីផ្ទះ​មុន​ការមកដល់​របស់​ព្យុះ Yutu ព្រោះ​ពួកគេ​រស់នៅក្នុង​តំបន់​ទំនាប​ដែល​ងាយ​រងគ្រោះ​ដោយសារ​ទឹកជំនន់​។​
​
មន្ត្រី​ការពារ​ស៊ីវិល​ម្នាក់​បាន​និយាយថា ការបាក់​ដី​ដែល​បង្កឡើង​ដោយ​ព្យុះ​នេះ​បាន​បិទផ្លូវ​ធំ​មួយ​នៅ​ភាគ​ខាងជើង​ភ្នំ​ដែលជា​ហេតុ​ធ្វើ​ឲ្យ​ប្រជាពលរដ្ឋ​មួយចំនួន​ត្រូវ​ជាប់គាំង​។​
​
ទោះបីជា​យ៉ាងណាក៏ដោយ មន្ត្រី​គ្រោះមហន្តរាយ​នៅ​ប្រទេស​ហ្វីលីពីន​បាន​និយាយថា ព្យុះ​នេះ​មាន​ឥទ្ធិពល​ខ្សោយ​ជាង​ព្យុះ Mangkhut ដែល​បាន​វាយប្រហារ​កាលពី​៦​សប្តាហ៍​មុន​ហើយ​បានសម្លាប់​មនុស្ស​ជាង​១០០​នាក់​។ ភាគច្រើន​នៃ​អ្នកស្លាប់​គឺ​ដោយសារតែ​ការបាក់​ដី​នៅក្នុង​តំបន់​រុករក​រ៉ែ Itogon ៕ AFP

​

Source: Kampuchea Thmey Daily