ភ្នំពេញ ៖ ក្រុមហ៊ុនហាយដ្រូផៅវ័រឡូវើរសេសាន្តក្រោម២ បានឲ្យដឹងថា ស្ថានីយវារីអគ្គិសនីសេសានក្រោម២ដែលអភិវឌ្ឍនដោយក្រុមហ៊ុននេះ នឹងដាក់អោយដំណើរការប្រើប្រាស់ជាផ្លូវការនៅចុងខែតុលា ឆ្នាំ២០១៨ ទន្ទឹមនោះដែរឯករាជ្យភាព និងសុវត្ថិភាពនៃថាមពលអគ្គិសនីរបស់ប្រទេសកម្ពុជានឹងត្រូវបានលើកកម្ពស់។
ក្រុមហ៊ុន អះអាងថា ក្រុមហ៊ុនហាយដ្រូផៅវ័រឡូវើរសេសាន្តក្រោម២ តែងតែប្រកាន់ខ្ជាប់នូវគោលការណ៍ការ(ការពារដើម្បីការអភិវឌ្ឍន៍ និងអភិវឌ្ឈន៍ក្នុងការការពារ) រួមទាំងផ្តោតទៅលើការងារបរិស្ថាន។ ដើម្បីបំពេញនូវតម្រូវការផ្លូវត្រី ផ្លូវឆ្លងកាត់នៃត្រីគ្រប់ប្រភេទក្នុងការបំលាស់ទីជំរកនៅក្នុងតំបន់ និងព្យាយាមកាត់បន្ថយផលប៉ះពាល់នៃគម្រោងទៅលើសុខភាពអេកូឡូស៊ីនៃទន្លេមេគង្គ ក្រុមហ៊ុនហាយដ្រូផៅវ័រឡូវើរសេសាន្តក្រោម២ បានវិនិយោគយ៉ាងសកម្មក្នុងការសាងសង់ផ្លូវត្រី។ ការរចនាគម្រោងនិងផែនការអនុវត្តសាងសង់ផ្លូវត្រី ទទួលបាននូវការស្រូបយកចំណេះដឹងនិងបទពិសោធន៍យ៉ាងពេញលេញនូវមតិយោបល់ពីស្ថាប័នផ្សេងៗមានដូចជា៖ ក្រសួងរ៉ែនិងថាមពល ក្រសួងបរិស្ថាន វិទ្យាស្ថានមរតកធម្មជាតិ (natural heritage institute) និងអង្គការ NGO មួយចំនួនទៀតផងដែរ ដើម្បីធានាឱ្យគម្រោងផ្លូវត្រីបើកចំហនិងមានតម្លាភាព។
ក្រុមហ៊ុនហាយដ្រូផៅវ័រឡូវើរសេសាន្តក្រោម២បានឲ្យដឹងថា គម្រោងផ្លូវត្រីមានទីតាំងស្ថិតនៅផ្នែកខាងស្តាំនៃទំនប់ដី ត្រូវបានរៀបចំតាមប្រឡាយស្ទឹងធម្មជាតិដើម។ ផ្លូវត្រីមានប្រវែងសរុប២,៩00 ម៉ែត្រកម្រិតទឹកអតិបរមារវាងខ្សែទឹកទន្លេខាងលើនិងខ្សែទឹកទន្លេខាងក្រោមមានចំងាយ២៦.៥ម៉ែត្រទទឹងបាតផ្លូវត្រីគឺពី៤.0 ដល់៥ម៉ែត្របរិមាណទឹកអតិបរមាគឺ៣.៥ m3/sហើយក៏មានអាងសម្រាកនៃពពួកត្រីទំហំប្រវែង 800 ម៉ែត្រ ។ចាប់តាំងពីការដាក់ឲ្យដំណើរការនៅខែវិច្ឆិកាឆ្នាំ២០១៨រហូតមកដល់សព្វថ្ងៃនេះ មានត្រីមួយចំនួនធំត្រូវបានគេសង្កេតឃើញធ្វើដំណើរយ៉ាងរលូនក្នុងការឆ្លងកាត់ផ្លូវត្រីនៅអំឡុងពេលរដូវផ្លាស់ទីលំនៅត្រី។ ក៏ប៉ុន្តែមានអ្នកនេសាទមួយចំនួនបានរាយមោងចាប់ត្រីខុសច្បាប់ នៅមាត់ផ្លូវត្រីចូល។ ផ្នែកពាក់ព័ន្ធនឹងស្ថាប័នរបស់រដ្ឋបាលខេត្តស្ទឹងត្រែងបានពង្រឹងការអប់រំនិងធ្វើការណែនាំផ្សព្វផ្សាយដល់អ្នកនេសាទមួយចំនួននោះជាទង្វើខុសច្បាប់ផងដែរ៕
Source: Kampuchea Thmey Daily
0 Comments