កណ្តាល ៖ នគរបាលប៉ុស្តិ៍រដ្ឋបាល ឃុំរកាខ្ពស់ សហការជាមួយកម្លាំងជំនាញនៃអធិការនគរបាលស្រុកស្អាង បានធ្វើការបង្ក្រាបមុខសញ្ញាជួញដូរគ្រឿងញៀនចំនួន២នាក់ និង រឹបអូសបានថ្នាំញៀន២២កញ្ចប់ កប់នៅក្នុងដីក្បែរពាងទឹក។
ប្រតិបត្តិការបង្ក្រាបបទល្មើសគ្រឿងញៀននេះធ្វើឡើងនៅថ្ងៃទី១៥ ខែតុលា ឆ្នាំ២០១៨ វេលាម៉ោង ១០និង១០នាទី នៅចំណុចផ្ទះឈ្មោះហៀង ឈាង និងឈ្មោះអាត សំអន ភូមិ ព្រែកសំរោង ឃុំរកាខ្ពស់ ស្រុកស្អាង ខេត្តកណ្តាល។
លោកវរសេនីយ៍ឯក សេង សុជាតិ អធិការនគរបាលស្រុកស្អាងបានឲ្យដឹងថា ជនសង្ស័យឈ្មោះ ឡៅ លន ភេទប្រុស អាយុ ៣៩ឆ្នាំ ជនជាតិ ខ្មែរ មុខរបរ នេសាទ ទីលំនៅបច្ចុប្បន្នភូមិ ព្រែកសំរោង ឃុំរកាខ្ពស់ ស្រុកស្អាង ខេត្តកណ្តាល ត្រូវជាប្តីឈ្មោះ អាត សំអន បាន គេចខ្លួនមុនសមត្តកិច្ចទៅដល់ចំណែកឈ្មោះ អាត សំអន ភេទស្រី អាយុ៣៩ឆ្នាំ ជនជាតិ ខ្មែរ មុខរបរ កម្មកានីរោងចក្រ ទីលំនៅបច្ចុប្បន្នភូមិ ព្រែកសំរោង ឃុំរកាខ្ពស់ ស្រុកស្អាង ខេត្តកណ្តាល ត្រូវជាប្រពន្ធឈ្មោះ ឡៅ លនសមត្តកិច្ច ឃាត់ខ្លួន ដកហូតបានវត្ថុតាងចាប់យករួមមានម្សៅក្រាមពណ៌សថ្លាសង្ស័យថា ជាសារធាតុញៀន(ម៉ាទឹកកក) ចំនួន១២កញ្ចប់ ក្នុងនោះ ធំ ០១កញ្ចប់ និងតូច ១១កញ្ចប់ កប់នៅក្នុងដីក្បែរពាងទឹក លោកអធិការបញ្ជាក់ឲ្យដឹងទៀតថា ដោយឡែកឈ្មោះ ហៀង ឈាង ភេទប្រុស អាយុ៣៦ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នភូមិ ព្រែកសំរោង ឃុំរកាខ្ពស់ ស្រុកស្អាង ខេត្តកណ្តាល (ធ្លាប់ជាប់ពន្ធនាគារខេត្តកណ្តាល ចំនួន០១លើក ពីបទ រក្សាទុកគ្រឿងញៀន រយៈពេល០១ឆ្នាំ) នគរបាលស្រុកស្អាងឃាត់ខ្លួនក្នុងពេលជាមួយគ្នាដែរ ខណៈយកថ្នាំញៀនទៅលក់ និងបន្ទាប់មកបានធ្វើការឆែកឆេរលំនៅឋានរកឃើញថ្នាំញៀនចំនួន១០កញ្ចប់និងឧបករណ៍សម្រាប់វេចខ្ចប់ប្រើប្រាស់មួយចំនួន។
បច្ចុប្បន្នជនសង្ស័យ បានឃាត់ខ្លួននៅអធិការដ្ឋាននគរបាលស្រុកស្អាងដើម្បីបន្ដអនុវត្ដតាមនីតិវិធី៕
Source: Kampuchea Thmey Daily
0 Comments