កណ្តាល ៖ យុវជនម្នាក់ដែលគ្រាន់គេមើលមុខសង្កត់ចិត្តមិនបានស្មានថាគេឌឺ បានទៅយកកាំបិតមកដេញកាប់ត្រូវសមត្ថកិច្ចចាប់ឃាត់ខ្លួនកសាងសំណុំរឿងបញ្ជូនទៅកាន់តុលាការចាត់ការតាមនីតិវិធីច្បាប់។
យុវជនរូបនេះ ត្រូវកម្លាំងនគរបាលឃាត់ខ្លួន ក្រោយពីរួមគ្នាជាមួយបក្ខពួកប្រើអំពើហិង្សាដោយចេតនាប្រព្រឹត្តឡើងនៅថ្ងៃទី២៦ ខែតុលា ឆ្នាំ២០១៨ វេលាម៉ោង១៥និង០០នាទី នៅចំណុចផ្លូវជាតិលេខ៦ មុខផ្ទះឈ្មោះ ហេង សាវ៉ាងភូមិវត្តចាស់ ឃុំព្រែកដំបង ស្រុកមុខកំពូល ខេត្តកណ្តាល។
នគរបាលស្រុកមុខកំពូលបានឲ្យដឹងថា ជនរងគ្រោះឈ្មោះ អំ វន្ថា ភេទប្រុស អាយុ១៨ឆ្នាំ នៅភូមិថ្មី ឃុំស្វាយអំពារ ស្រុកមុខកំពូល ខេត្តកណ្ដាល មុខរបរសិស្ស។ ចំណែកជនសង្ស័យ០២ នាក់ឃាត់ខ្លួនម្នាក់គឺ១-ឈ្មោះ ជួន ម៉ារីណូ ភេទប្រុស អាយុ១៥ឆ្នាំ នៅភូមិវត្តចាស់ ឃុំព្រែកដំបងស្រុកមុខកំពូល ខេត្តកណ្ដាល មុខរបរសិស្សថ្នាក់ទី១០ ថ្មី(ឃាត់ខ្លួន)។
២.ឈ្មោះ ហៅ(ក្រិត) ភេទប្រុស អាយុ១៦ឆ្នាំ នៅភូមិស្វាយជ្រុំឃុំព្រែកដំបងស្រុកមុខកំពូលខេត្តកណ្ដាល មុខរបរជាងកាត់សក់(គេចខ្លួន)។
បើតាមនគរបាលបញ្ជាក់ថា កន្លងមកជនសង្ស័យ ពុំធ្លាប់មានទំនាស់ជាមួយជនរងគ្រោះឡើយ។ នៅម៉ោង០៣និង០០នាទីរសៀល ជនសង្ស័យ(ជួនម៉ារីណូ)បានជិះម៉ូតូឌុបឈ្មោះ ក្រិត ស្រាប់តែជនរងគ្រោះនិងបក្ខពួកបានមើលមុខឌឺជនសង្ស័យ ឃើញដូចនេះជនសង្ស័យខឹងបានជិះម៉ូតូទៅយកកាំបិតប៉័ងតោពីផ្ទះ ដោយឈ្មោះ ក្រិត ជាអ្នកឌុប ហើយជនសង្ស័យជិះពីក្រោយកាន់កាំបិតនៅនិងដៃ បាំងជើងមកឈប់រង់ចាំនៅក្លោងទ្វារ វត្តចាស់ បន្ទាប់មកជនសង្ស័យបានឃើញម៉ូតូ០៣គ្រឿងជិះចេញពីក្នុងវត្តមក ម៉ាក សង់០២គ្រឿងនិង ម៉ាកនិច ០១គ្រឿង ជិះឌុបគ្នា០៨នាក់ ក្នុងពេលនោះ ជនរងគ្រោះជិះម៉ូតូនិច០៣នាក់(ជនរងគ្រោះជិះនៅកណ្ដាល) ពីជើងទៅត្បូងហើយជនសង្ស័យឈ្មោះក្រិត ជិះម៉ូតូឌុបជនសង្ស័យឈ្មោះជួន ម៉ារីណូ ដេញតាមក្រោយ ដល់ចំណុចកើតហេតុជនសង្ស័យជួន ម៉ារីណូដកកាំបិតកាប់ម្នាក់អង្គុយពីក្រោយគេ តែអ្នកនោះគេចផុតបណ្ដាល ឲ្យត្រូវជនរងគ្រោះជិះកណ្ដាលគេ ចំកញ្ចឹងក រួចជនសង្ស័យទាំង០២នាក់បើកម៉ូតូរត់គេចចូលផ្ទះរៀងខ្លួន។ លុះដល់ម៉ោង០៦និនង៤០នាទីល្ងាច សមត្ថកិច្ចប៉ុស្តិ៍បានឃាត់ខ្លួនជនសង្ស័យឈ្មោះជួន ម៉ារីណូមកសាកសួរ ទើបជនសង្ស័យសារភាពថា ខ្លួនបានកាប់ជនរងគ្រោះនឹងកាំបិតបុ័ងតោបណ្ដាលឲ្យ មានរបួសស្នាមប្រាកដមែន ដោយឡែកជនសង្ស័យឈ្មោះក្រិត បានគេចខ្លួនបាត់។ ចំណែកជនរងគ្រោះត្រូវបានក្រុមគ្រួសារដឹកយកមក មន្ទីរពេទ្យភ្នំពេញ ដើម្បីសង្គ្រោះ និងព្យាបាល៕
Source: Kampuchea Thmey Daily
0 Comments