នាង Mai Khoi ដែលជាតន្ត្រីករប្រឆាំងម្នាក់ដែលគេចាត់ទុកថាជា Lady Gaga របស់វៀតណាមបានអំពាវនាវដល់ប្រធាន Facebook ដើម្បីការពារសេរីភាពនៃការបញ្ចេញមតិ ខណៈពេលដែលរដ្ឋាភិបាលទំនងជាបង្កើនការគ្រប់គ្រងលើគេហទំព័ររបស់ខ្លួន ។
ជាមួយនឹងអ្នកប្រើប្រាស់ចំនួន ៥៣ លាននាក់ Facebook មានប្រជាប្រិយភាពខ្លាំងនៅវៀតណាមជាប្រទេសដែលប្រព័ន្ធអ៊ីនធឺណិតបានក្លាយជាសមរភូមិសម្រាប់សកម្មជននានាដូចជា នាង Khoi ជាដើម ។
ច្បាប់អ៊ីនធឺណិតដ៏ចម្រូងចម្រាសដែលនឹងចូលជាធរមាននៅក្នុងខែមករានឹងតម្រូវឲ្យក្រុមហ៊ុនអ៊ិនធឺណិតលុបចោលនូវមាតិកា "តុកសិក" ហើយប្រគល់ទិន្នន័យអ្នកប្រើបើសិនជារដ្ឋាភិបាលកុម្មុយនីស្ដបានស្នើសុំឲ្យធ្វើដូច្នោះ ។
វាក៏តម្រូវឲ្យមានក្រុមហ៊ុនធ្វើជាអ្នកគ្រប់គ្រងប្រព័ន្ធអ៊ីនធឺណិតនៅក្នុងប្រទេសដែលបានបង្កឲ្យមានការព្រួយបារម្ភអំពីការជ្រៀតជ្រែករបស់រដ្ឋាភិបាលបន្ថែមទៀត ។
នាង Khoi បានប្រាប់ AFP ក្នុងអំឡុងពេលធ្វើបទសម្ភាសន៍មួយនៅឯអាកាសយានដ្ឋានរបស់ទីក្រុងថា "ការការពារសេរីភាពបញ្ចេញមតិគួរតែជាគោលនយោបាយផ្លូវការរបស់ Facebook ប៉ុន្តែគួរឲ្យស្តាយវាមិនមែនទេ" ។
ការហាមឃាត់ពីការលក់ស៊ីឌីរបស់នាង និងការរៀបចំការប្រគំតន្ត្រីនាង Khoi បានសំដែងការលេងភ្លេងដ៏អាថ៍កំបាំងចេញពីភ្នែកទស្សនារបស់ប៉ូលីស ហើយឥឡូវនេះនាងភ័យខ្លាចក្លាយជាគោលដៅលើអ៊ីនធឺណិត ។
រហូតមកដល់នេះក្រុមហ៊ុន Facebook និង Google បានបដិសេធមិនធ្វើអត្ថាធិប្បាយលើច្បាប់ស្តីពីឧក្រិដ្ឋកម្មអ៊ីនធឺណិតរបស់វៀតណាមនោះទេថ្វីបើក្រុមសិទ្ធិមនុស្សបានរិះគន់ច្បាប់នេះក៏ដោយ ។
នាយ Khoi បាននិយាយនៅក្នុងកិច្ចប្រជុំកាលពីថ្ងៃសុក្រជាមួយ Facebook នាងបានជំរុញឲ្យក្រុមហ៊ុននេះរារាំងក្រុមអ្នកគាំទ្ររបស់រដ្ឋាភិបាលដែលបំពានស្តង់ដារសហគមន៍របស់បណ្តាញអ៊ីនធឺណិតដើម្បីបំបិទមាត់ពួកប្រឆាំង ។
នាងបានបន្ថែមថា «Facebook បាននិយាយថា ពួកគេបានធ្វើការលើបញ្ហានេះរួចហើយ ប៉ុន្តែនៅក្នុងប្រទេសវៀតណាមអ្នកកាសែត និងសកម្មជនឯករាជ្យជាច្រើនបានចាក់សោគណនីរបស់ពួកគេ ហើយការបង្ហោះត្រូវលុបចោលជារៀងរាល់ថ្ងៃ» ។
ក្រោយពីការចាប់ខ្លួននៅក្នុងផ្ទះក្រៅផ្លូវការនៅចុងឆ្នាំ ២០១៧ បន្ទាប់ពីនាងបានគ្រវីស្លាកសញ្ញាប្រឆាំងលោក Donald Trump នៅពេលដែលលោកប្រធានាធិបតីសហរដ្ឋអាមេរិករូបនេះបានធ្វើទស្សនកិច្ចកាលពីឆ្នាំមុននាង Khoi ក៏ត្រូវបានហាមឃាត់មិនឲ្យចូលរួមការបោះឆ្នោតសភាមួយឆ្នាំមុនផងដែរ ៕ AFP
Source: Kampuchea Thmey Daily
0 Comments