ភ្នំពេញ ៖ ក្រោយពីមានការសារភាព និងមានវត្ថុតាងជាក់ស្ដែងហើយនោះ កម្លាំងការិយាល័យស្រាវជ្រាវប្រឆាំងបទល្មើសគ្រឿងញៀន រាជធានីភ្នំពេញ នាថ្ងៃទី១៦វិច្ឆិកានេះ បានកសាងសំណុំរឿងបញ្ជូនក្រុមជនសង្ស័យពាក់ព័ន្ធការចែកចាយគ្រឿងញៀនទៅតុលាការ សួរនាំបន្ត បន្ទាប់ពីបង្ក្រាបរួចមក។
មន្ត្រីអាវុធហត្ថរាជធានីបានឲ្យដឹងថា ជនសង្ស័យទាំងពីរនាក់ ត្រូវបានឃាត់ខ្លួនកាលពីថ្ងៃពុធ ០៧កើត ខែកត្តិក ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី១៤ ខែវិច្ឆិកា ឆ្នាំ២០១៨ វេលាម៉ោង១៩និង២០នាទី កម្លាំងមូលដ្ឋានខណ្ឌជ្រោយចង្វា ល្បាតបានឃាត់ខ្លួន ពាក់ព័ន្ធគ្រឿងញៀន នៅចំណុចផ្លូវលីយ៉ុងផាត់ ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វា រាជធានីភ្នំពេញ។
ប្រភពបន្តថា ជនសង្ស័យដែលឃាត់ខ្លួនមាន ឈ្មោះ អួង ឆ្លាត ភេទប្រុស អាយុ១៩ឆ្នាំ មុខរបរនៅផ្ទះ ទីលំនៅ ភូមិអន្លង់ស្លែង ឃុំសំបួរមាស ស្រុកមុខកំពូល ខេត្តកណ្តាល, ឈ្មោះ វឿន ណារ៉ុង ភេទប្រុស អាយុ២២ឆ្នាំ មុខរបរដេរក្រណាត់តោន ទីលំនៅភូមិអន្លង់ស្លែង ឃុំសំបួរមាស ស្រុកមុខកំពូល ខេត្តកណ្តាល។
សមត្ថកិច្ចបញ្ជាក់ថា វត្ថុតាងដែលរឹបអូសបានមាន
១/ ម្សៅក្រាមសថ្លា០៣កញ្ចប់ ធំល្មម.
២/ ទូរស័ព្ទ០១គ្រឿង
៣/ កាបូបលុយចំនួន២ និងលុយ១.០០០រៀល
៤/ នាឡិកា០១គ្រឿង និងចិញ្ចៀនពណ៌ស ចំនួន០១.
៥/ មួកសុវត្ថិភាព ពណ៌ខ្មៅចំនួន០១
៦/ ម៉ូតូ០១គ្រឿងម៉ាកនិច ពណ៌ខ្មៅលាយក្រហម ស្លាកលេខភ្នំពេញ1BQ-6074។
បច្ចុប្បន្ន ជនសង្ស័យទាំង០២នាក់ និងវត្ថុតាង ត្រូវបានបញ្ជូនទៅការិយាល័យគ្រឿងញៀនអាវុធហត្ថរាជធានីភ្នំពេញ ដើម្បីធ្វើការសាកសួរ និងកសាងសំណុំរឿងបញ្ជូនទៅកាន់តុលាការកាត់ទោសទៅផ្លូវច្បាប់៕
Source: Kampuchea Thmey Daily
0 Comments