រតនគិរី ៖ ជនសង្ស័យម្នាក់ ក្នុងចំណោមបក្ខពួក៤នាក់ ត្រូវបានកម្លាំងនគរបាលស្រុកលំផាត់ ធ្វើការឃាត់ខ្លួន បន្ទាប់ពីរូបគេ និងបក្ខពួក បានធ្វើសកម្មភាពវាយទៅលើបុរសម្នាក់ បណ្ដាលឲ្យរងរបួស កាលពីវេលាម៉ោង១១និង៣០នាទីយប់ ថ្ងៃទី១៤ ខែវិច្ឆិកា ឆ្នាំ២០១៨ នៅចំណុចមុខផ្ទះ លោក ឃ្លោក ភេទ ស្ថិតនៅភូមិកាឡែង ឃុំកាឡែង ស្រុកលំផាត់ ខេត្តរតនគិរី។
នគរបាលស្រុកលំផាត់បានឲ្យដឹងថា ជនរងគ្រោះឈ្មោះ សៀន រ៉ែន ភេទប្រុស អាយុ៣៣ឆ្នាំ ជនជាតិខ្មែរ មុខរបរកសិករ បច្ចុប្បន្នរស់នៅភូមិ/ឃុំខាងលើ។ ចំណែកជនសង្ស័យមានគ្នា៤នាក់ ទី១- ឈ្មោះ ធារីន ភេទប្រុស អាយុប្រហែល២០ឆ្នាំ ជនជាតិខ្មែរ មុខរបរកសិករ រស់នៅភូមិ/ឃុំកើតហេតុខាងលើ, ២- ឈ្មោះ ដានី ភេទប្រុស អាយុប្រហែល១៨ឆ្នាំ ជនជាតិខ្មែរ មុខរបរកសិករ រស់នៅភូមិ/ឃុំខាងលើ។ ,៣-ឈ្មោះ វៀង ឌី ភេទប្រុស អាយុប្រហែល១៩ឆ្នាំ ជនជាតិខ្មែរ មុខរបរ មិនពិតប្រាកដ រស់នៅក្រុងបានលុង។, ៤-មិនទាន់ស្គាល់អត្តសញ្ញាណ នៅឡើយ។
ក្រោយពីធ្វើសកម្មភាពរួច ជនសង្ស័យបានជិះម៉ូតូរត់គេចខ្លួនបាត់ រហូតដល់ម៉ោងប្រហែល៤ល្ងាច ថ្ងៃទី១៥ ខែវិច្ឆិកា ឆ្នាំ២០១៨ កម្លាំងជំនាញ នៃអធិការដ្ឋាននគរបាលស្រុកលំផាត់ បានឃាត់ខ្លួនឈ្មោះ វៀង ឌី បានម្នាក់ រីឯ៣នាក់ទៀត កំពុងរត់គេចខ្លួន។
បច្ចុប្បន្ន ជនសង្ស័យ ឈ្មោះ វៀង ឌី ត្រូវបានឃាត់ខ្លួនបណ្ដោះអាសន្ននៅស្នងការដ្ឋាននគរបាលខេត្តរតនគិរី ដើម្បីបំពេញសំណុំរឿងចាត់ការតាមនីតិវិធីច្បាប់៕
Source: Kampuchea Thmey Daily
0 Comments